सशस्त्र प्रहरीले १८ ग्राम ब्राउनसुगर सहित दुई जनालाई नियन्त्रणमा लिएको छ । सशस्त्र प्रहरी बल नेपाल नम्बर ४ गण हेडक्वाटर सुनसरीद्धारा १८ ग्राम ब्राउनसुगर सहित दुई जनालाई नियन्त्रणमा लिएको हो ।

Advertisement 1

सुनसरी मातहत रहेको बोडर आउट पोष्ट लाहीबाट खटिएको प्रहरी निरीक्षक टेक बहादुर खत्रीको टोलीले कोशी गाउँपालिका १ लौकही बोर्डर ईलाकामा भारतबाट नेपाल तर्फ आउदै गरेको को ३४ प ७०१९ नम्बरको बुलेट मोटरसाइकल सहित सुनसरी बराहक्षेत्र नगरपालिका ३ का पुष्प श्रेष्ठ र सोहि स्थानका बिबश श्रेष्ठलाई नियन्त्रणमा लिएको छ । उनीहरुको साथबाट १८ ग्राम, नगद २६ हजार ७५० रुपैया र मोबाईल थान २ फेला परेको हुँदा नियन्त्रणमा लिई आबश्यक कारबाहीको लागी इलाका प्रहरी लौकहीमा बुझाईएको छ ।