संघीय निजामती सेवा ऐन परिष्कृत भएर आउँछ
उपप्रधान तथा रक्षामन्त्री पूर्णबहादुर खड्काले संघीय निजामती सेवा ऐन परिष्कृत रुपमा आउने बताएका छन् ।
Advertisement 1
नेपाली काँग्रेस निकट नेपाल निजामती कर्मचारी युनियनको राष्ट्रिय भेला तथा विधान अधिवेशनमा बोल्ने क्रममा खड्काले संघीय निजामती सेवा ऐन पहिले सुनिए भन्दा पनि परिष्कृत रुपमा ऐन आउने बताएका हुन ।
हालै प्रधानमन्त्री तथा मन्त्रिपरिषद्को कार्यबाट रायका लागि लोकसेवा आयोगमा पुगेको संघीय निजामती सेवा ऐन चाँडो भन्दा चाँडो संसदमा दर्ता गरेर पारित गर्ने समेत खड्काले प्रतिवद्धता जाहेर गरे ।
Advertisement 2
रक्षामन्त्री खड्काले लोकसेवा आयोगले राय दिएर समितिमा फिर्ता पठाएको साता दिनभित्रैमा संघीय निजामती सेवा ऐन संसदमा दर्ता हुने बताएका छन् ।
यस्तै उपप्रधानमन्त्री खड्काले संघीय निजामती ऐन बनाउँदा ट्रेड युनियनको अधिकारप्रति गम्भिर ध्यान गएको उनले बताए । कर्मचारीका हक हित, वृत्ति विकास, संविधानले दिएको अधिकारको संरक्षण हुने गरी ऐन आउने उनले जानकारी गराए ।
