गोकुल बाष्कोटाकोझैं अर्काे अडियो काण्ड छरपष्ट,अब के हुन्छ ?
केपी शर्मा ओली प्रधानमन्त्री हुँदा सञ्चारमन्त्री गोकुल बाष्कोटाको ७० करोडको अडियो काण्डले बजार पिट्यो । फेरि उस्तै गरी अर्काे अडियो काण्ड अहिले छरपष्ट भएको छ । राष्ट्रिय स्वतन्त्र पार्टीबाट उदाएका पोखराका ढाकाकुमार श्रेष्ठ र दुर्गा प्रसाईबीच भएको अडियो रेकर्ड सामाजिक सञ्जालमा छरपष्ट भएको हो ।
Advertisement 1
स्वास्थ्यमन्त्री बन्नका लागि पार्टीलाई २ करोड बुझाउनुपर्ने भन्दै मेडिकल व्यवसायी दुर्गा प्रसाईंसँग पैसा मागिएको अडियोले अहिले सामाजिक सञ्जाल तताएको छ ।
स्वास्थ्यमन्त्री रास्वपाको भागमा परेको र दुई तीन जनालाई मिलाउन पैसा चाहिने भन्दै श्रेष्ठले प्रसाईंसँग २ करोड मागेको अडियो सार्वजनिक भएको हो ।
Advertisement 2
सो अडियो प्रकरण बाहिरिएपछि रास्वपाका सांसद ढाकाकुमार श्रेष्ठलाई पार्टीले कारबाहीस्वरुप निलम्बन गरेको छ । यसरी प्रसाईसँग रकम माग्ने ढाका पेशाले मेडिकल डाक्टर हुन । उनी साउन ८ गतेमात्र सो पार्टीको पोखरा जिल्ला अध्यक्ष भएका । मंसिर ४ को आम चुनावमा पार्टीले ढाकालाई जनजातितर्फबाट समानुपातिकको उम्मेद्धार हुँदै सांसद बनेका थिए । अहिले उनी मेडिकल अडियो प्रकरणमा परेर निलम्बनमा परेका छन् ।
