नेपाल प्रहरी महानिरीक्षक (आईजी) मा नवनियुक्त बसन्तबहादुर कुँवरलाई आज (आइतबार) दर्ज्यानी चिन्ह प्रदान गरिने भएको छ । चैत १० गतेको मनत्रीपरिषद बेठकले प्रहरी अतिरिक्त महानिरीक्षकबाट माहानिरिक्षकमा बढुवा गरेको कुँवरलाई गृहसचिव विनोदप्रकाश सिंहले आज दर्ज्यानी चिन्ह लगाइदिन लागेका हुन् ।

Advertisement 1

दिउँसो १ बजे मन्त्रालयमा कुँवरलाई दर्ज्यानी चिह्न प्रदान गर्ने कार्यक्रम रहेको प्रहरी प्रधान कार्यालयले जनाएको छ। लगत्तै उनले पदभार सम्हाल्नेछन् । शुक्रबार बसेको मन्त्रिपरिषद्को बैठकले एआईजी कुँवरलाई आईजीपीमा बढुवा गरेको थियो । सरकारले कुँवरलाई शुक्रबार ५ प्रतिस्पर्धी एआईजीमध्येबाट आईजीमा बढुवा गरेको थियो । यसअघिका आईजी धिरजप्रताप सिंहले शुक्रबारदेखि अनिवार्य अवकाश पाएका छन् ।