आगामी वैशाख ३० गते हुने स्थानीय तहको निर्वाचनका लागि आजदेखि निर्वाचन आचारसंहिता लागू भएको छ । आजै मध्यरातीदेखि निर्वाचन आचारसंहिता लागू हुन लागेको हो । आयोगले आचारसंहिता लागू भएपछि कुनै योजनाको शिलान्यास, उद्घाटन, सर्वेक्षण गर्न तथा अध्ययनका लागि अनुदान दिन नपाइन्े जनाएको छ । यस्का अलवा आयोगको अनुमतिबिना सरकारी कर्मचारी र पदाधिकारी विदेश भ्रमणमा जानसमेत पाउने छैन ।
आयोगले सबैले पालना गर्नुपर्ने २० वटा आचारसंहिता, पदाधिकारी तथा कर्मचारीले पालना गर्नुपर्ने आचारसंहितामा १३ वटा,संवैद्यानिक निकाय र सो का पदाधिकारीहरुले पालना गर्नुपर्ने १७ वटा,सुरक्षाकर्मीले पालना गर्नुपर्ने आचारसंहितामा १५ वटा,निर्वाचनमा खटिने कर्मचारीले पालना गर्नुपर्नेमा ५ वटा आचारसंहिता सार्वजनिक गरिएको छ ।

Advertisement 1

अब सरकारले यसअघि घोषणा भएको बजेट र कार्यक्रम बाहेकका कुनैपनि नयाँ योजना र कार्यक्रम तय गर्न पाउँदैन । सरकारले अब कुनै पनि शिलान्यास, उद्घाटन पनि गर्द पाउँदैन । निर्वाचनको काममा बाहेक कर्मचारी सरुवा र पदस्थापन समेत गर्न पाईंदैन । राजनीतिक दल र तिनका उम्मेदवारले पालना गर्नुपर्ने आचारसंहिताको विवरण आज जारी गरिएको ७८ पृष्ठमा उल्लेख छ ।