पूर्व संघीय मामिला तथा सामान्य प्रशासन मन्त्री एमालेको केन्द्रीय कमिटिमै अटाएनन । आइतबार पार्टी अध्यक्ष केपी शर्मा ओलीले १९ पदाधिकारीसहित ३०१ सदस्यीय केन्द्रीय कमिटि घोषणा गर्दा त्यहाँ पण्डितको नाम अटाउन नसकेको हो ।
जहाँ धेरै नेताका श्रीमान श्रीमती,दाजु बहिनी समेटिएका छन् । जस्तो कि महासचिवमा निर्विरोध निर्वाचित भएका शंकर पोखरेलको श्रीमती सुजिता शाक्य केन्द्रीय कमिटीमा परेकी छिन् । यस्तै रघुवीर महासेठ,शेरधन राईका दम्पत्ति नै केन्द्रीय सदस्यमा अटाएका छन् ।
उता ओलीका लागि धरहराबाट हामफाल्न तयार छु भन्ने महेश बस्नेत सचिव पदका आकाक्षी थिए उनी केन्द्रीय कमिटिमै सिमित छन् । उस्तै अबस्थामा पारिएका छन् गोकुल बास्कोटा ।
लालबाबु पण्डित कुनै पनि कमिटिमा नअटाएपछि उनले सामाजिक सञ्जालबाटै लेखेका छन् आज देखि सम्पूर्ण कार्यकारी पदबाट बिदा लिदै दसौ महाधिवेसनबाट सम्पूर्ण बिजयी कमरेडहरु लाई सफल कार्यकालको हार्दिक शुभकामना ।
ओलीका निकटस्थ मानिने विशाल भट्टराईको हालत पनि पण्डितको झैं बनाइएको छ । भट्टराई एमालेको प्रमुख सचेतकको भूमिका थिए उनी खुल्ला र भूगोल दुवै क्षेत्रबाट सूचीमा परेका छैनन् ।