अहिले सत्तामा छन् बालकृष्ण खाँण तर उनले आफ्नै गृहजिल्लामा साख जोगाउन सकेनन । उनको पिए गृहजिल्लामै पराजित भएको घटना सेलाउन नपाउँदै चितवन क्षेत्र नम्बर २ बाट खुल्लातर्फ महाधिवेशन प्रतिनिधिको प्रत्याशी रहेका अर्काे पिए  नरेन्द्र केसी महाधिवेशन प्रतिनिधिमा पराजित भएका छन् ।

Advertisement 1

सो क्षेत्रमा खुलाबाट उत्तम जोशी, जितनारायण श्रेष्ठ , टंकनाथ पौडेल, राजेश्वर खनाल, केशव महर्जन , मिलनबाबु श्रेष्ठ, राजकुमार राजभण्डारी, देवेन्द्र गुरुङ , ईश्वरी लौडारी र प्रकाश अधिकारी महाधिवेशन प्रतिनिधिमा निर्वाचित भएका छन् ।

कांग्रेसको आसन्न महाधिवेशनमा संस्थापन पक्षबाट महामन्त्रीको दावेदार रहेका खाँण गृहजिल्लामै कमजोर देखिएका थिए । यसअघि रुपन्देहीको निर्वाचन क्षेत्र नम्बर २ (क) बाट उम्मेदवारी दिएका गृहमन्त्री बालकृष्ण खाँणका स्वकिय सचिव पराजित भएका छन् ।

Advertisement 2

लुम्बिनी प्रदेश प्रतिनिधिको उम्मेदवारी दिएका विजेश न्यौपाने पराजित भएका हुन् ।उक्त क्षेत्रमा रामचन्द्र पौडेल समूहको पुरै प्यानल विजयी भएको छ । बुटवल उपमहानगर र तिलोत्तमा नगरका विभिन्न वडा समेटेर बनेको क्षेत्र नम्बर २ (क) खाँणको बलियो पकड भनिएको क्षेत्र हो । यही क्षेत्रबाट उम्मेदवार बनेका लुम्बिनी प्रदेश सभामा कांग्रेस संसदीय दलका नेता विरेन्द्र कनौडियाका स्वकीय सचिव समेत पराजित भएका छन् । निर्वाचन समितिले दिएको जानकारीअनुसार खड्कबहादुर महत नेतृत्वका अधिकांश उम्मेदवारले जित हासिल गर्दा देउवा समूहका दुई जना मात्र चयन भएका छन् ।