प्रहरी नियमावली संशोधन हुन्छः गृहमन्त्री
प्रहरी संगठनको तल्लो तहमा कार्यरत कर्मचारीको एउटै पदबाटमात्रै सेवा पदावधि समाप्त नहुने गरी प्रहरी नियमावली परिवर्तन गर्न लागिएको गृहमन्त्री बालकृष्ण खाँणले बताएका छन् । गृहमन्त्री खाँणले भने ‘अब तल्लो तह वा दर्जामा कार्यरत प्रहरीको सेवा निवृत्त हुँदा कम्तीमा एक तह भए पनि पदोन्नति हुनेछ ।’ ‘यसकै लागि नियमावली परिवर्तन गर्न लागिएको उनले बताए ।
Advertisement 1
नेपाली कांग्रेस रूपन्देहीद्वारा बुधबार भैरहवामा आयोजित पार्टी कार्यकर्ता सम्मान कार्यक्रममा बोल्दै खाँणले शान्ति प्रक्रियामा नआएका सबै राजनीतिक शक्ति र दललाई राष्ट्रिय राजनीतिको मूल धारमा आउन पनि आग्रह गरेका छन् । राष्ट्रिय राजनीतिको मूल धारमा ल्याउन नेकपा विप्लव समूहसँग सरकारको वार्ता र पहल भइरहेको जनाउँदै खाँणले मुलुकको आर्थिक समुन्नतिका लागि शान्तिको मार्ग प्रशस्त कसरी गर्ने भन्ने बारेमा सरकारले सोचेको बताए ।
