अघिल्लो साता प्रधानन्यायधीशले समेत मन्त्रिमण्डलमा भाग खोजेको खबर बाहिरियो । जस्लाई सर्वाेच्च अदालतले खण्डन गरे पनि मन्त्रिमण्डल बिस्तारमा प्रधानन्यायधीश चोलेन्द्र शमशेर जबराको जेठानलाई समावेश गरिएको छ ।
शेरबहादुर देउवा प्रधानमन्त्री बनेको ८८ दिनपछि आज बल्ल मन्त्रिमण्डललले पूर्णता पाएको छ । जहाँ एक जना गैह्र सांसदलाई समेत समावेश गरिएको छ । यसरी क्याविनेटमा समावेश भएका गैह्र सांसद हुन गजेन्द्र हमाल । नाताले हमाल प्रधानन्यायधीश चोलेन्द्र शमशेर जवराको जेठान हुन ।

Advertisement 1

कांग्रेसबाट प्रधानमन्त्री देउवाले गैरसांसदलाई पनि मन्त्री बनाएका छन् । यसअघि प्रधानन्याधीश चोलेन्द्र शमशेर जबराको नातेदार गजेन्द्र हमाललाई देउवाले उद्योग, वाणिज्य तथा आपूर्ति मन्त्रीको जिम्मेवारी दिएका हुन् ।

हमालसँगै कांग्रेसबाट आज पाँच जना मन्त्री बनेका छन् ।  हमाल कांग्रेसका पूराना नेता हुन् । कांग्रेसबाट मिनेन्द्र रिजाल, दिलेन्द्र बडु, उमाकान्त चौधरी र उमा रेग्मी  मन्त्री बनेका छन् । रिजाललाई रक्षा, बडुलाई कानून, चौधरीलाई खानेपानी र रेग्मीलाई महिला, बालबालिका मन्त्रालयको जिम्मेवारी दिईएको छ ।

Advertisement 2

उता, नेकपा (माओवादी केन्द्र) बाट देवेन्द्र पौडेल शिक्षा, विज्ञान तथा प्रविधि, शशि श्रेष्ठ भूमि व्यवस्था, सहकारी तथा गरिबी निवारण, महेश्वर गहतराज युवा तथा खेलकुद मन्त्री बनेका छन् । माओवादी केन्द्रबाट बोद्यमाया कुमारी यादव राज्यमन्त्री बनेकीछिन् ।

त्यस्तै, नेकपा (एकीकृत समाजवादी) बाट विरोध खतिवडा स्वास्थ्य तथा जनसंख्या, रामकुमारी झाँक्री संस्कृति, पर्यटन तथा नागरिक उड्ययन, प्रेम आले सहरी विकास र किसान श्रेष्ठ श्रम, रोजगार तथा सामाजिक सुरक्षामन्त्री बनेका छन् । त्यस्तै, भवानी खापुङ भने स्वास्थ्य तथा जनसंख्या राज्यमन्त्री बनेका छन् ।

उता, जसपाबाट रेणु यादव भौतिक पूर्वाधार तथा यातायात, राजेन्द्र श्रेष्ठ संघीय मामिला तथा सामान्य प्रशासन, रामसहाय यादव वन तथा वातावरण र प्रमोद साह
कृषि तथा पशुपन्छी विकास मन्त्री बनेका छन् ।