पर्सामा रास्वपालाई समानुपातिकमा अग्र मत
पर्सा। गत बिहीबार सम्पन्न प्रतिनिधिसभा सदस्य निर्वाचनमा प्रत्यक्षतर्फ चारवटै सिट जितेको राष्ट्रिय स्वतन्त्र पार्टी (रास्वपा)ले समानुपातिकतर्फ चारवटै क्षेत्रमा पनि अग्र मत ल्याउने पार्टी बनेको छ।
Advertisement 1
मुख्य निर्वाचन अधिकृत गायत्रीप्रसाद रेग्मीले पर्साको क्षेत्र नं १ मा ६२ हजार ५०६ मतमध्ये रास्वपालाई ३४ हजार ४६३ मत खसेको बताए। नेपाली कांग्रेसलाई ८ हजार २६७ मत खसेको छ। त्यस्तै नेकपा (एमाले) लाई ९ हजार २३१, राष्ट्रिय प्रजातन्त्र पार्टीलाई ३ हजार २४०, जनता समाजवादी पार्टीलाई एक हजार ९९, नेपाली कम्युनिष्ट पार्टीलाई ६८१ मत खसेको छ।
पर्सा २ बाट समानुपातिकतर्फ कुल ६७ हजार १०७ मत खसेकोमध्ये सबैभन्दा धेरै मत रास्वपाले प्राप्त गरेको छ। निर्वाचन अधिकृत कार्यालयका अनुसार रास्वपालाई ३४ हजार ९१८ मत खसेको छ। कांग्रेस पार्टीलाई १० हजार ३४०, एमालेलाई आठ हजार ५८५, राष्ट्रिय प्रजातन्त्र पार्टीलाई ३ हजार ५०६, जनता समाजवादी पार्टी नेपाललाई २ हजार ४५० मत खसेको छ।
Advertisement 2
त्यसैगरी, पर्सा ३ मा समानुपातिकतर्फ रास्वपाले २४ हजार १५८ मत प्राप्त गरेको छ। सो क्षेत्रमा कांग्रेस आठ हजार ६५०, एमालेले ६ हजार १६८, नेपाली कम्युनिष्ट पार्टीले १ हजार १९५ मत पाएको छ।
त्यस्तै, पर्साको ४ मा पनि समानुपातिकतर्फ रास्वपाले ३० हजार ३८९ मत प्राप्त गरेको छ। सो क्षेत्रमा कांग्रेसले ११ हजार ५१२, एमाले ९ हजार ९३५ मत ल्याएको छ।
–––
