१४९ सांसदको हस्ताक्षर बोकेर देउवासहित शीर्ष नेता शीतलनिवासमा
विपक्षी दलहरुले आफ्नो पक्षका बहुमत सांसदको हस्ताक्षर सहित नयाँ सरकार गठनका लागि शीतल निवास प्रस्तान गरेका छन् ।
Advertisement 1
नेपाली कांग्रेस, नेकपा माओवादी केन्द्र र एमालेका माधव नेपाल खेमा र जनता समाजवादी पार्टीको उपेन्द्र यादव समूहको सिंहदरबारको बैठकपछि वैकल्पिक सरकार गठनका लागि आफ्नो पक्षधर सांसदहरुको हस्ताक्षरसहित शितलनिवास प्रस्थान गरेका हुन् ।
हिजै रातीमात्र राष्ट्रपति विद्यादेवी भण्डारीले संविधानको धारा ७६ (५) बमोजिमको सरकार गठनका लागि आज साँझ ५ बजेसम्मको लागि समय दिनुभएको छ ।
संसदमा नेपाली काँग्रेसको ६१,माओवादी केन्द्रको ४९,जसपा उपेन्द्रको १३ जना,जनमोर्चाको १ र बाँकी २७ जना नेपाल निकट सांसदसहित १ सय ४९ जनाको हस्ताक्षर बोकेर उनीहरु शील निवास लागेका हुन् । गठबन्धनबाट प्रस्तावित प्रधानमन्त्री तथा काँग्रेस सभापतिसहित माओवादी, जसपा र एमालेको माधव कुमार नेपाल समूहका नेताहरु दावी पेश गर्नका लागि शीतल निवास लागेका हुन् ।
विपक्षी गठबन्धनले राष्ट्रपतिको आह्वानअनुसार सरकार गठनका लागि १४९ जना सांसदको हस्ताक्षर जुटाएको दावी गरेका छन् ।
