काठमाडौं। परोपकार प्रसुती तथा स्त्रीरोग अस्पताल विकास समितिको अध्यक्षमा स्त्री तथा प्रसुती रोग विशेषज्ञ डा. सरोजा कार्की पाण्डे नियुक्त भएकी छन्। स्वास्थ्य तथा जनसंख्या मन्त्री प्रदीप पौडेलले मन्त्रीस्तरीय निर्णय गर्दै उनले अध्यक्षमा नियुक्त गरेका हुन्।

Advertisement 1

धनुषाकी पाण्डेले सोही अस्पतालमा १५ वर्ष वरिष्ठ कन्सल्ट्याण्टका रुपमा सेवा गरेकी थिइन्। डा. पाण्डेले चिकित्सा विज्ञान राष्ट्रिय प्रतिष्ठानबाट स्त्री रोग विशेषज्ञ एमडी गरेकी छन्।

यसअघि भरतपुर अस्पतालकी रजिष्ट्रार रहिसकेकी डा. पाण्डेले प्रसुती तथा स्त्री रोग सम्बन्धी नीति निर्माण तथा प्रशिक्षकको भूमिका समेत निर्वाह गरिसकेकी छन्। विभिन्न राष्ट्रिय तथा अन्तर्राष्ट्रिय जर्नलमा उनले नेपालमा प्रजनन तथा महिला स्वास्थ्यका विविध आयामबारे अनुसन्धानात्मक लेख प्रकाशन गरिसकेकी छन्।

Advertisement 2

प्रसुती अस्पतालमा मन्त्री पौडेलले जन्मनासाथ हुने अपांगताको निःशुल्क परीक्षण आरम्भ गरेका थिए। यसलाई निर्देशिका बनाएर देशैभरका प्रसुति सेवा प्रदान गर्ने अस्पतालमा समेत कार्यान्वयन गरिएको छ।

डाक्टर पाण्डेको नियुक्तिपछि मन्त्री पौडेलले अघि सारेको मातृ शिशु स्वास्थ्य सेवा सुधारको योजनामा थप योगदान हुने विश्वास गरिएको निजी सचिवालयले जनाएको छ।