काठमाडौं। नेपाली बजारमा सोमबार सुनको मूल्य प्रतितोला १४ सय रुपैयाँले बढेको छ। नेपाल सुनचाँदी व्यवसायी महासंघले आइतबारको तुलनामा सोमबार सुनको मूल्य बढेको जनाएको हो। सोमबारका लागि सुनको मूल्य प्रतितोला १ लाख ६९ हजार ६ सय रुपैयाँ तोकिएको छ। आइतबार सुनको कारोबार प्रतितोला १ लाख ६८ हजार २ सय रुपैयाँमा भएको थियो। त्यस्तै आइतबार प्रतितोला १९ सय ६० रुपैयाँका दरले कारोबार भएको चाँदीको मूल्य सोमबारका लागि प्रतितोला १९ सय ७५ रुपैयाँ तोकिएको छ।