काठमाडौं। अमेरिकामा जारी नेपाल–अमेरिका टी–२० सिरिजमा नेपालले लगातार दोस्रो खेल पनि जितेको छ। यसअघि पहिलो खेलमा अमेरिकालाई १७ रनले हराएको नेपालले आइतबार सुपरओभरको रोमाञ्चक खेलमा हराएको हो।

Advertisement 1

आइतबार डालासमा सम्पन्न खेलमा नेपालले रोमाञ्चक खेलमा जित हात पारेको हो। टस जितेर ब्याटिङ गरेको नेपालले कुशल भुर्तेलको शानदार प्रदर्शनमा ६ विकेट गुमाएर १७० रन बनाएको थियो।\

जवाफी ब्याटिङमा उत्रेका अमेरिकाले पनि निर्धारित ओभरमा ८ विकेटको क्षतिमा त्यति नै रन बनाउन सक्यो। सुपर ओभरमा पुगेको खेलमा नेपालले ३ रनको लक्ष्य पाएको थियो।

सुपर ओभरमा कुशल भुर्तेल र कप्तान रोहित पौडेलले ३ रन बनाएर खेल जिताए। नेपालको पहिलो इनिङ्समा भुर्तेलले नटआउट ५४ बलमा ९२ रन बनाउँदा नेपालले राम्रो लक्ष्य दिन सकेको थियो।