भद्रपुर विमानस्थलको छेउमै छ, सशस्त्र प्रहरीको २ नम्बर गण। गणको अहिले रूप फेरिएको छ। गणभित्र व्यारेक, वायर हाउस, सेमिनार हल, लेक्चर हल, ग्यारेज, मेश, जवान व्यारेक, ड्युटी पोस्ट र पर्याप्त शौचालय बनेका छन्।

Advertisement 1

विविध आन्तारिक सुधारका कार्यहरु गरेको कारण सशस्त्र प्रहरीको २ नम्बर गण हेक्वा झापाका सशस्त्र प्रहरी उपरीक्षक (एसपी) देवराज अर्याललाई “आईजी एपीएफको प्रशंसा अवार्ड”बाट सम्मान गरियो २३ औं सशस्त्र प्रहरी स्थापना दिवसको अवसरमा मंगलबार हल्चोकमा आयोजित कार्यक्रममा।

सशस्त्र प्रहरी बल नेपालको नम्बर २, हेडक्वार्टर झापाले पछिल्लो एक वर्षमा १३ करोड ८२ लाख ३३ हजार ५१९ रुपैयाँको चोरीपैठारीका सामान बरामद गरेको छ । सशस्त्र प्रहरी बल नेपाल नम्बर २ गण हेडक्वार्टर झापाका गणपति तथा एसपी देवराज अर्यालको १३ महिने कार्यकालमा १३ करोड ८२ लाख ३३ हजार ५१९ रुपैयाँ बराबरको भन्सार छलीका अवैध सामान भन्सार बुझाएको विवरण सार्वजनिक भएको छ ।

Advertisement 2

शनिबार गणमै पत्रकार भेटघाटको गर्दै एसपी अर्यालले आफ्नो १३ महिना झापा बसाइ अत्यन्तै सुखद र परिणाममुखी रहेको बताएका छन् । २०७९ साल माघ १५ गतेदेखि २०८० माघ महिनासम्ममा १ हजार १ सय ३८. ८३ क्यूफिट, तीनवटा गोली गोलिया काठ र ९ वटा सवारी साधन सहितसहित १ करोड १६ लाख ८४ हजार ८५० मूल्य बराबरको सामान बरामद गरिएको छ। त्यस्तै २१ केजी ४ सय ९० ग्राम गाँजा २ सय १९.४ ग्राम ब्राउन सुगर, ५१ पिस इन्जेक्सन, ४३ बोतल सिरफ, ४२ पत्ता ट्याब्लेट, १.५६ ग्राम अन्य लागूऔसध बरामद गरेको छ । जसमा संलग्न ७९ व्यक्ति पक्राउ परेका छन् । त्यस्तै महिला बालबालिका तथा चेलीबेटी बेचबिखन ओसारपसारमा संलग्न नौ महिला दुई पुरुष र बालबालिका ८ गरी १९ जनाको सशस्त्र प्रहरी बल नेपालको नम्बर २, हेडक्वार्टर झापाले उद्धार गरेको छ। १० पुरुष ९ महिला गरी १९ जना पक्राउ गरेको छ। ड्युटीमा रहेको सशस्त्र प्रहरीहरुलाई उभद्र व्यवहार गर्ने ९ जना पक्राउ गरेको झापाका गणपति तथा एसपी देवराज अर्यालले बताए।

त्यस्तै हतियार तर्फ ४ नाल हतियार ४ प्याकेट एयर राइफल पेलेट बरामद गरेको छ । सशस्त्र प्रहरी बल नेपालको नम्बर २, हेडक्वार्टर झापा विपद घटना नियन्त्रणमा पनि उतिकै सक्रिय रहेको छ जसमध्य १०६ सडक दुर्घटनामा घाइते ४९ जनाको उद्दार ९ जनाको सब रिकभरी गरेको छ । त्यस्तै ३२ जना जल उत्पन्न प्रकोपमा परेकाहरुमध्य ७ जनाको सब रिकभरी गर्नुको साथै १ जनाको जीवित उद्धार गरिएको छ ।

त्यस्तै २०८० माघ १२ गते प्रसिसु गुल्म काँकडभिट्टाका लागि ९ कठ्ठा दुई धुर जग्गा खरिद गरी भवन निर्माण कार्य सुरुवात, २०८० माघ ७ गते प्रसिसु गोलमा भद्रपुरको लागि १० कठ्ठा जग्गा खरिद गरी भवन निर्माण कार्य सुरु, बीओपी महेशपुरको लागि थप भवन निर्माण कार्य सुरुवात, कार्तिक १७ गते बीओपी च्यामेर गढीको लागि एक बिघा जग्गा भोकाधिकार प्राप्त भई भवन निर्माण कार्य सुरुवात, तीनवटा थप नयाँ कार्यालय स्थापना तथा उद्घाटन, १४४,०२ किमी अन्तर्राष्ट्रिय सीमा इलाका रहेकोमा ३७ स्थानमा दशजगा इलाकामा गरिएको खेतीपाती हटाइएको छ।

दशगजा क्षेत्रमा रहेका १७ वटा घर टहरा मध्ये १२ वटा घर टहरा हटाइएको, भारतीय सुरक्षा एसएसवी र नेपालको एपिएफ बिचको समन्वय, सहकार्यमा ७ हजार ६६३ पटक संयुक्त गस्ती गरिएको प्रगति विवरणमा उल्लेख छ ।त्यसैगरी सीमा मर्मत सम्भार तथा रङ्ग रोगन कार्य अन्तरगत नेपालतर्फबाट ३१७ वटा बिजोर नम्बरका सीमा स्तम्भहरूको मर्मत सम्भार तथा रङ्ग रोगन, एसएसवीको तर्फबाट १४८ वटा जोड नम्बरका सीमा स्तम्भहरू मर्मत सम्भार रङ्ग रोगन गर्ने काम भएको छ । सो क्रममा ७ वटा सीमा स्तम्भहरू फेला परेको बताइएको छ । झापा जिल्लामा डग स्क्वार्ड स्थापना, मुख्य तथा सहायक सीमा नाकाबाट आवतजावत गर्ने मानिसहरूको आवत जावत सङ्ख्या दर्ता व्यवस्था, कोशी प्रदेश नामकरणको विषयलाई लिएर सुरु भएको पहिचानको आन्दोलन तथा अन्य विविध जातीय आन्दोलनमा जिल्लाका सम्पूर्ण सुरक्षा निकायसँग समन्वय गरी शान्ति सुरक्षा सुव्यवस्था कायम गर्न व्यावसायिक भूमिका निर्वाह गर्न सफल भएको, सीमा सँग जोडिएको अप्रेसन गणहरू मध्येबाट सर्वोत्कृष्ट गण बन्न सफल लगायत प्रगति विवरणहरू उनले प्रस्तुत गरेका थिए ।