कहिँ नभएको जात्रा मोहन बस्नेतको मन्त्रालयमा
स्वास्थ्य तथा जनसंख्या मन्त्री मोहन बहादुर बस्नेतका एक पछाडि अर्का निर्णयहरु विवादमा पर्दै गएका छन् । आगामी महाअधिवेशनमा काँग्रेस पार्टीबाट महामन्त्री लड्न ग्रिन सिग्नल पाएका बस्नेतले सुशासनका चर्का कुरा गरे पनि उनी कमाउ धन्दामा लागेका काँग्रेसकै कतिपय सांसदहरुकै आरोप छ ।
Advertisement 1
स्वास्थ्य सामाग्री खरिद,कर्मचारी सरुवा,नियुक्तिमा अहिले स्वस्थ्यमा ठूलै आर्थिक चलखेल भइरहेको स्वास्थ्यकै कर्मचारीहरुले बताउँछन् । जस्को एउटा उदाहरण हो,उच्च तहका प्रशासकहरुलाई बेरोजगार बनाएर जुनियर कर्मचारीलाई एकै पटक तीन तीन वटा जिम्मेवारी दिइनु । त्यहाँका एक कर्मचारीलाई झण्डै २१ महिनादेखि जिम्मेवारविहिन बनाइरँहदा अर्को जुनियर कर्मचारीलाई एकै पटक प्रवक्तासहितको तीन तीन वटा जिम्मेवारीको भारी बोकाइएको भेटिएको हो ।
काम, जिम्मेवारी नदिलाई वर्ष दिनभन्दा बढी समयसम्म जगेडामा राखिएका ११ औं तहको कर्मचारी हुन राधिका थपलियालाई जिम्मेवारविहिन बनाएर डा प्रकाश बूढाथोकीलाई तीन तीन वटा जिम्मेवारी दिइएको छ । बस्नेतले केन्द्रीय कारागार अस्पतालका निर्देशक हुन । उनलाई मन्त्राालयको प्रवक्ताको जिम्मेवारी दिएका छन् । यस्का अलवा बूढाथोकीको काँधमा स्वास्थ्य आपतकालीन कार्यसंचालन केन्द्रको जिम्मेवारी समेत थपिएको छ ।
Advertisement 2
तिनै बूढाथोकीले निकालेको एउटा विज्ञप्ती तीन तीन पटक सच्याउनु परेको छ । मन्त्रालयले कात्तिक १२ मा आयुर्वेदिक औषधिप्रति प्रयोगकर्तामा भ्रम फैलने भाषा प्रयोग गरेर विज्ञप्ति जारी गरेको थियो। त्यसपछि आयुर्वेदतर्फका चिकित्सक, स्वास्थ्यकर्मी तथा व्यवसायीहरूले आपत्ति जनाएपछि १२ गते विज्ञप्ति सच्याइयो। त्यसमा पनि आयुर्वेदिक चिकित्सकहरूले चित्त नबुझाएपछि बुधबार फेरी मन्त्रालयले विज्ञप्ति सच्याएको हो।
उता हालैमात्र स्वास्थ्य मन्त्री बस्नेतले दुवैजना सचिव अनुपस्थित भएका दिन हठात् रुपमा केन्द्रिय आयुर्वेद चिकित्सालय नरदेवीका निर्देशक डा प्रदीप केसीको सरुवा गरिदिएका छन् । बस्नेतले गत २ कात्तिकमा मन्त्रीस्तरीय निर्णय गर्दै दुवै स्थानका कार्यकारी निर्देशक फेरेका हुन् । मन्त्री बस्नेतले नरदेवीमा निर्देशक रहेका एघारौँ तहका डा प्रदीप केसीलाई सिंहदरबार वैद्यखाना विकास समितिको कार्यकारी निर्देशकको जिम्मेवारी दिएका छन् ।
यस्तै, मन्त्री बस्नेतले दशौँ तहका डा। श्यामबाबु यादवलाई नरदेवीको निमित्त निर्देशकको जिम्मेवारी दिएका छन् । मन्त्री बस्नेतले दुवै जनालाई पुरानै स्थानमा दरबन्दी रहने गरी नयाँ स्थानमा कामकाज गर्ने गरी जिम्मेवारी दिएका हुन् ।
Advertisement 3
नरदेवीमा निमित्त निर्देशक बनेका डा यादवको दरबन्दी आयुर्वेद तथा वैकल्पिक चिकित्सा विभाग टेकुमा रहेको छ । त्यस्तै, वैद्यखाना पठाइएका डा केसीको दरबन्दी आयुर्वेद चिकित्सालय नरदेवीमै रहने छ ।
