यस पटकको निजामती सेवा दिवस विवादमा परेको छ । ६१ सालेखि मनाउन थालिएको निजामती दिवसमा स्थानीय तहका कर्मचारीहरुले यस बर्ष विरोध गर्दै बहिष्कार नै गरेपछि यो दिवस विवादित बन्न पुगेको हो ।

Advertisement 1

सरकारले २०औं निजामती सेवा दिवसको अवसरमा सिंहदरबारमा विशेष कार्यक्रम मनाइरहँदा स्थानीय तहका कर्मचारीहरुले विरोध स्वरुप हातमा कालोपट्टी बाँधेर कालो दिवसका रुपमा मनाइरहेका थिए ।

व्यावसायिक र सिर्जनशील प्रशासन, विकास समृद्धि र सुशासन मूल नाराका साथ यो दिवस संघीय सरकारले मनाइरहँदा नजिकको सिंहदरबार मानिने स्थानीय तहका कर्मचारीहरुले भने हातमा कालोपट्टी बाँधेर विरोध स्वरुप यो दिवसको विरोध गरिरहेका छन् ।

Advertisement 2

रास्कोट गाउँपालिका र हिलिहाङ गाउँपालिकाका कर्मचारीहरुले शुरु गरेको यो अभियान देशभरका ७५३ स्थानीय तहमध्ये अधिकांश स्थानीय तहका कर्मचारीहरुले विरोध स्वरुप बहिष्कार गरे । हातमा कालो पट्टी बाँधेर कालो दिवसका रुपमा मनाए,स्थानीय तहका कर्मचारीहरुले ।

उनीहरुले स्थानीय तहका कर्मचारीहरुको सेवासुविधा, वृत्ति विकासको सुनिश्चित नभएको र प्रस्तावित संघीय निजामती सेवा ऐनको मस्यौदामा समेत स्थानीय तहका कर्मचारीहरुलाई निजामतीमा नसमेटिएको कारण निजामती सेवा दिवस मनाउन उपयुक्त नठानी हातमा कालोपट्टी बाँधेर विरोध जनाउने र स्थानीय तहका कर्मचारीहरुको सेवा सुविधासम्बन्धी व्यवस्था नभएसम्म निजामती सेवा दिवस नमाउने घोषणा समेत गरेका छन् ।

ती स्थानीय तहका कर्मचारीहरुले कसैले आठ सूत्रीय त केहीले दशदेखि १२ सूत्रीयसम्म माग राखेर संघीय सरकार सामान्य प्रशासन मन्त्रालयको ध्यानाकर्षण गराएका छन् ।

उनीहरुले संघीय निजामती सेवा ऐन नभइ एकीकृत निजामती सेवा ऐन ल्याउनुपर्ने,सेवा समूहको आधारमा सरकारी सेवाको प्रवेशद्धार स्थानीय तहमात्र हुनुपर्ने,चक्रीय सरुवा प्रणाली हुनुपर्ने,अन्तरप्रदेश सरुवाको व्यवस्था ऐनमै गरिनुपर्ने,निजामती अस्पतालमा सबै कर्मचारीहरुले उपचार पाउनुपर्ने,प्रमुख प्रशासकीय पद स्थानीय तहकै हुनुपर्ने लगायतका माग राखेका छन् ।

स्थानीय तहका कर्मचारीहरुले निजामती विधेयकले स्थानीय तहका कर्मचारीलाई विभेद गरेको कारण उक्त विभेदविरुद्ध दिवस बहिष्कार गरेको प्रतिक्रिया दिएका छन् ।
संसदमा लैजान लागिएको विधेयकमा निजामती सेवा विधेयकमा स्थानीय तहका कर्मचारीलाई निजामती सेवाको परिभाषामा नसमेटेको र सेवा सुविधा तथा वृद्धि विकासको सुनिश्चितता नभएका कारण यो दिवसलाई कालो दिवसका रुपमा मनाउनु परेको कतिपय कर्मचारीहरुको भनाई छ ।