२१ पटक लोकसेवा अधिकृतको परीक्षामा फेल हुँदा समेत जस्ले हारेनन् हिम्मत
अक्सर हामी जीवनमा एक दुई वटा असफलताबाटै निराश हुन्छौं र मोड्छौं जीवनको गन्तव्य ।
तर लगातारको बहाबले नदीले ठूल्ठूला चट्टानहरुलाई पनि पगाल्छ भनेझैं निरन्तरको संघर्ष पछि सफल भएका पात्र हुन कञ्चनराज गिरी । जस्ले हरेश नखाई २१ पटकसम्म लोकसेवाको परीक्षा दिए,अनुत्र्तिण भए तर हारेनन हिम्मत ।
शुरुमा उनी करार सेवामा निजामती कर्मचारी अस्पतालको प्रशासन सहायक पदमा कार्यरत थिए । कार्य सम्पादनका आधारमा हर बर्ष नविकरण हुँदै जाने र चौथो वर्षपश्चात् आन्तरिक प्रतियोगिता मार्फत स्थायी हुने प्रावधान अन्तरगतको जागिरथ्यो त्यो । तर खुल्ला प्रतियोगितामार्फत जाँच लिएर ४ बर्षपश्चात् आन्तरिक प्रतियोगितामार्फत स्थायी गराउने विनियमावलीको ब्यबस्था अस्पतालले पूरा गरेन । ०७८ सालमा नयाँ बिनियमावली आयो संसोधन भएर । त्यहाँ नियमानुसार करारलाई स्थायी गर्ने प्रावधान हटाइयो ।
उनी चाहन्थें लोकसेवा भिडेरै अधिकृतमा नाम निकाल्न ।
यसरी उनी लोकसेवा भिड्न थाले । यो बीचमा अधिकृत तहका लागि खुलेका जति प्राय सबै विज्ञापनमा फाराम भरे ।
Advertisement 1
कर्मचारी सञ्चयकोष,कृषि सामाग्री केन्द्र लिमिटेड,नेपाल विद्युत प्राधिकरण,वायूसेवा निगम,काठमाडौं महानगरपालिका,पर्यटन बोर्ड,कर्मचारी सञ्चयकोष,खाद्य संस्थान,गुठी संस्थानसम्म ।
प्रारम्भिक परीक्षा उत्र्तीण हुन्थें अनि दोश्रो चरणमा परीक्षामा सधैं फेल ।
यो असफलताबाट कहिलेकाहीँ उनलाई पनि अत्यास लाग्थ्यो । त्यसमाथि हर बर्ष उमेरको सिढि चढ्दै थियो उनी ३५ बर्ष पुग्दै थिए अर्थात सरकारी सेवा प्रवेशको अधिकतम उमेर हद । उमेर जति बढ्दै जान्थ्यो उनको मनमा अत्यास पनि उत्तिकै बढ्दै जान्थ्यो ।
६९ सालदेखि लगातार नौं बर्ष सम्म अधिकृत तहको परिक्षा भिडे । यो बीचमा लोकसेवा अधिकृतको परीक्षामा २१ पटक फेल भए तर हरेश खाएनन । भन्छन नि जीवनमा सबै चिज खानु तर हरेश नखानु् ।
Advertisement 2
यही आँट,धैर्यता र लगावका परिणाम निस्कियो ०७८ कार्तिकमा ।
लगातार परीक्षामा भिड्न थालेको नवौं वर्षमा नेपाल विद्युत प्राधिकरण, प्रशासन सेवाको सातौं तह (प्रशासकिय अधिकृत) मा उत्र्तिण बने ।
अर्थात कञ्चनराज गिरी अधिकृत बने ।
समाजमा औसतमा मानिसहरु एक दुई प्रयासमा असफल हुन्छन् । र प्रयास गर्न छोड्छन् ।
लक्ष्य लिएर निरन्तरको प्रयास गर्ने हो भने असम्भव भन्ने चिज केही छैन भन्ने आम युवाहरुलाई उत्प्रेरित गर्न संघर्षको एउटा कथा हो कञ्चनराजको ।
कञ्चनकै शब्दमा जसले पानीले नुहाउँछ, उसले केवल छाला बदल्न सक्छ । जसले पसिनाले नुहाउँछ, उसले इतिहास बदल्न सक्छ ।
