वीरगञ्ज। वीरगञ्ज भन्सार कार्यालयबाट निर्यात बढेको छ। यहाँ एकीकृत जाँचचौकी र सुक्खा बन्दरगाह भएकाले देशका अन्य २६ स्थानका भन्सार कार्यालयले भन्दा बढी वस्तु निर्यात भएको कार्यालयको भनाइ छ।

Advertisement 1

भन्सार विभागका अनुसार चालु आर्थिक वर्षको ४ महिनामा ५२ अर्ब ६७ करोड ७ लाख १० हजार रुपैयाँ बराबरको सामान निर्यात भएको छ। वीरगञ्ज भन्सारले मात्र १२ अर्ब १२ करोड २१ लाख ३१ हजार रुपैयाँ बराबरका वस्तु निर्यात गरेको छ।

वीरगञ्ज भन्सार प्रमुख दीपक लामिछानेका अनुसार यहाँबाट सिन्थेटिक यार्न, भटमासको तेल, पिना, ऊनी गलैँचालगायत उत्पादन निर्यात भएको छ। सुक्खा बन्दरगाहबाट १ अर्ब ५१ करोड रुपैयाँ बराबरका सामान निर्यात भएका छन्।

Advertisement 2

यसैबीच, त्रिभुवन अन्तर्राष्ट्रिय विमानस्थल भन्सार कार्यालयले सोही अवधिमा १२ अर्ब ३५ करोड ३९ लाख १४ हजार रुपैयाँ बराबरको वस्तु निर्यात गरेको जनाएको छ।