नागरिकलाई गुणस्तरीय सेवा उपलब्ध गराउन टेलिकमलाई निर्देशन
काठमाडौं। प्रधानमन्त्री केपी शर्मा ओलीले नेपाल दूरसञ्चार कम्पनी लिमिटेड (नेपाल टेलिकम)लाई गुणस्तरीय सेवा प्रवाह गर्न निर्देशन दिएका छन्।
Advertisement 1
प्रधानमन्त्री दैवी प्रकोप उद्धार कोषमा दाखिला भएको सहायता रकमबारे जानकारी दिन प्रधानमन्त्री कार्यालय पुगेका टेलिकमका प्रतिनिधिको टोलीलाई प्रधानमन्त्रीले नेपाल टेलिकम राष्ट्रको सम्पत्ति भएकाले जनतालाई सेवा दिने सवालमा कुनै कमजोरी नगर्न निर्देशन दिएका हुन्।
उपकरण र प्रविधिका लागि सहयोग आवश्यक परेमा सरकारले सहयोग गर्ने आश्वासन दिँदै संस्थाको साख उच्च राख्न पनि उनले निर्देशन दिए।
Advertisement 2
टेलिकमका प्रबन्ध निर्देशक संगीता अर्यालले १ करोड २ लाख ७० हजार रुपैयाँ प्रधानमन्त्री दैवी प्रकोप कोषमा दाखिला गरिएको जानकारी दिइन्।
कार्यक्रममा सञ्चार तथा सूचना प्रविधिमन्त्री पृथ्वीसुब्बा गुरुङ रसञ्चार तथा सूचना प्रविधि मन्त्रालयका सचिव राधिका अर्याल पनि सहभागी थिए।
