च्यांग्राको मूल्य घट्यो
म्याग्दी। दसैँ पर्वका लागि मुस्ताङबाट ल्याइएको च्यांग्राको मूल्य सस्तो भएको छ। च्यांग्राको संख्या बढेको र विगतका वर्षमा बजारमा ल्याएको च्यांग्राको मूल्य महंगो हुँदा व्यापार नभएपछि यसपटक कृषकले नै बिक्री मूल्य घटाएका हुन्।
Advertisement 1
गत वर्ष खोरमै प्रतिगोटा ४० हजार रुपैयाँभन्दा बढी मूल्य तिरेर च्यांग्रा खरिद गरेका व्यापारी टसी छेवाङ गुरुङले यसपाली ३० देखि ३३ हजार रुपैयाँमा किसानबाट खरिद गरेको बताए। ‘ठाउँ अनुसार पाँच देखि १० हजार रुपैयाँ कममा च्यांग्रा खरिद भएकाले बिक्री गर्ने मूल्य पनि घटाएका हौ,’ उनले भने, ‘गत वर्ष काठमाडौ पोखरामा प्रतिगोटा रु. ५५ हजारसम्म परेको च्यांग्राको मूल्य यसपाली रु. ४५ हजार भन्दा कम हुुन्छ।’ गत वर्ष बजारमा ल्याएको च्यांग्रा महंगी हुँदा बिक्री नभएर व्यापारीले नोक्सान व्यहोरेको गुनासो गरेका थिए।
छेवाङसहित डोल्पाका चार जना व्यापारी मुस्ताङ हुँदै पाँच दिन हिडेर दुई सय ५० च्यांग्रा बिक्री गर्न पोखरा लैजानका लागि बुधबार म्याग्दीको घोडेपानी पुगेका छन्। मुस्ताङका साथै डोल्पा र मुगुबाट ल्याइएका च्यांग्राहरु दसैमा बिक्रीका लागि म्याग्दी हुँदै देशका विभिन्न सहर बजारमा पुग्न थालेका छन्। म्याग्दी, कास्की, पर्वत, बागलुङ, काठमाडौंलगायत ठाउँबाट च्यांग्रा खरिद गर्नका लागि व्यापारीहरु मुस्ताङ पुगेर फर्किन थालेका हुन्। जडिबुडीयुक्त बुकीमा चरेका च्यांग्राको मासु पोषिलो, तागतिलो र स्वस्थर मानिन्छ। दसँै तिहारमा हिमाली च्यांग्राको मासुुको खपत बढी हुुने गर्छ।
Advertisement 2
भेटेरीनरी अस्पताल तथा पशुु सेवा विज्ञ केन्द्र मुुस्ताङका प्रमख लालमणी अर्यालका अनुसार बुधबारसम्म ७ हजार च्यांग्रा जोमसोमदेखि म्याग्दीतर्फ झरेका छन्। यसवर्ष दसँैका लागि मुुस्ताङबाट दश हजार च्यांग्रा बिक्री हुने अनुमान गरिएको छ। मुस्ताङबाट म्याग्दीको बेनीसम्म दुई देखि तीन दिन हिँडाएर ल्याएका च्यांग्रा बेनीदेखि ट्रक र गाडीमा राखेर देशका विभिन्न ठाउँमा लैजाने गरिन्छ। तीन वर्ष पुरा भएका च्यांग्रा मासुका लागि बिक्री हुने गर्छ।
मुुस्ताङको वारागुुङ मुक्तिक्षेत्र, घरपझोङ, लोघेकर दामोदरकुुण्ड र लोमान्थाङ गाउँपालिकामा ५० हजार च्यांग्रा पालिएका छन्। उपल्लो मुस्ताङका कृषकको मुख्य आयस्रोत च्यांग्रापालन भएको लोघेकर दामोदरकुण्ड गाउँपालिका–४ याराका कृषक डिण्डुप गुरुङले बताए। विसं २०८० मा सात हजार, २०७९ मा छ हजार आठ सय, २०७८ मा १२ हजार र २०७६ अघि वार्षिक २० देखि २५ हजारको संख्यामा मुुस्ताङबाट भेडाच्यांग्रा निकासी भएको भेटेरीनरी अस्पताल तथा पशुु सेवा विज्ञ केन्द्रको तथ्यांक छ।
Advertisement 3
रासस
