काठमाडौं। नेपाल आयल निगमले पेट्रोलियम पदार्थको मूल्य घटाएको छ। बिहीबार बसेको निगम सञ्चालक समितिको बैठकले शुक्रबार बिहानदेखि लागू हुने गरी पेट्रोलियम पदार्थको मूल्य घटाउने निर्णय गरेको हो। निगमले पेट्रोलको मूल्य प्रतिलिटर ५ रुपैयाँ तथा डिजेल र मट्टितेलको मूल्य प्रतिलिटर ३ रुपैयाँले घटाएको हो।

Advertisement 1

निगमका अनुसार पहिलो वर्गमा पेट्रोलको मूल्य प्रतिलिटर १ सय ६७ रहेकामा १ सय ६२ कायम भएको छ। दोस्रो वर्गका लागि प्रतिलिटर १ सय ६९ रहेकामा १ सय ६४ र तेस्रो वर्गका लागि प्रतिलिटर १ सय ७० रहेकामा १ सय ६५ रुपैयाँ कायम गरिएको छ।

साथै डिजेल र मट्टितेलको मूल्य पहिलो वर्गका लागि १ सय ५५ रहेकामा १ सय ५२ रुपैयाँ कायम गरिएको छ। साथै दोस्रो वर्गका लागि १ सय ५७ रुपैयाँ रहेकामा १ सय ५४ र तेस्रो वर्गका लागि १ सय ५८ रुपैयाँ रहेकामा १ सय ५५ रुपैयाँ कायम गरिएको निगमले जनाएको छ।

Advertisement 2

पहिलो वर्गमा चारआली, बिराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज छन्। दोस्रो वर्गमा सुर्खेत र दाङ तथा तेस्रो वर्गमा पोखरा, काठमाडौँ र दीपायललाई राखिएको छ। डिपोबाट ढुवानीको दुरीअनुसार वर्ग छुट्याइएको निगमले बताएको छ।