सडक विभागले स्वीकार गर्यो आफ्नो कमजोरी
काठमाडौं। सडक विभागले आर्थिक वर्ष २०८०/८१ मा सञ्चालन गरेका कामको प्रगति समीक्षा गरेको छ। समीक्षामार्फत विभागले आफूले काम गर्न नसक्नुको कमजोरी स्वीकार गरेको छ। समयमा आयोजनाका लागि रकमान्तर स्वीकृत नहुनुु, आयोजना तथा योजनाको आवश्यकताअनुसार बजेट विनियोजन नगरिनुलगायत कारणले योजनाअनुसार काम हुन नसकेको विभागले बताएको छ।
Advertisement 1
त्यस्तै निर्माण सामग्रीको प्रयोगसम्बन्धि नीतिगत स्पष्टता नहुनु तथा निर्माण कम्पनीले समयमै काम सम्पन्न नगर्दा आशातित नतिजा देखाउन नसकेको विषय समीक्षा कार्यक्रममा उठाइएको हो। त्यस्तै सडक विस्तार तथा मर्मतसम्भारका क्रममा वन मन्त्रालय तथा वन विभागले सहजीकरण नगर्दा सडक निर्माणमा र विस्तारमा समस्या भएको गुनासो विभागका अधिकारीहरुले गरेका छन्।
त्यस्तै विद्युतका पोल, खानेपानी र ढलका समस्या समाधानका लागि समयमा समन्वय भई उचित समाधान नहुनु बजेट तथा योजना कार्यान्वयनमा बाधक भएको सहभागीले उल्लेख गरेका छन्। स्वीकृति नलिई, आवश्यक सम्भावना अध्ययन प्रतिवेदन तयार नगरी प्रदेश र स्थानीय तहले राजमार्गलाई प्रभावित गर्नेगरी शाखा सडक विस्तार गर्नु समस्याका रुपमा देखिँदा अपेक्षित प्रगति हुन नसकेको विभागका अधिकारीहरुको तर्क छ।
Advertisement 2
सडक विस्तारका क्रममा मुआब्जा वितरणका लागि आवश्यक बजेटको विनियोजन तथा व्यवस्थापन नहुनु समस्याका रुपमा देखिएको सहभागी कार्यालय प्रमुखहरुको भनाइ थियो। समीक्षा कार्यक्रममा भौतिक पूर्वाधार तथा यातायातमन्त्री देवेन्द्र दाहाल, मन्त्रालयका सचिव केशवकुमार शर्मालगायत सहसचिवहरुको सहभागिता छ।
