प्रधानमन्त्रीले शुक्रबार विश्वासको मत लिने
काठमाडौं। प्रधानमन्त्री पुष्पकमल दाहाल ‘प्रचण्ड’ले यही असार २८ गते शुक्रबार प्रतिनिधिसभामा विश्वासको मत लिने भएका छन्। त्यसका लागि उनले आवश्यक व्यवस्थ ागर्न संसद् सचिवालयलाई पत्राचार गरेका छन्।
Advertisement 1
प्रधानमन्त्री दाहालले संघीय संसद्का महासचिवलाई शुक्रबार पत्र पठाएर उक्त दिन विश्वासको मतका लागि प्रतिनिधिसभासमक्ष प्रस्ताव राख्नुपर्ने भएकाले आवश्यक व्यवस्था मिलाउन अनुरोध गरेका छन्।
‘मेरो नेतृत्वमा संवत् २०७९ पुस ११ गते गठित सरकारमा सहभागी दलहरुमध्ये एक दलले आफ्नो समर्थन फिर्ता लिएको हुँदा नेपालको संविधानको धारा १०० को उपधारा (२) बमोजिम ३० दिनभित्र प्रधानमन्त्रीले विश्वासको मतका लागि प्रतिनिधिसभासमक्ष प्रस्ताव राख्नुपर्ने प्रावधान भए अनुरुप उक्त विषय संवत् २०८१ साल असार २८ गतेको प्रतिनिधिसभा बैठकको कार्यसूचीमा समावेश गर्ने व्यवस्थाका लागि अनुरोध छ,’ प्रधानमन्त्रीले लेखेका छन्।
Advertisement 2
सत्ताधारी दल नेकपा एमालेले दिएको समर्थन फिर्ता लिएपछि प्रधानमन्त्री दाहाल अल्पमतमा परेका छन्। गत फागुनमा बनेको नेकपा माओवादी र एमालेबीचको गठबन्धन फेरि भत्किएर एमालेले कांग्रेससँग गठनबन्धन गर्न लागेको छ। त्यसका लागि एमाले र कांग्रेसबीच सम्झौता गरिएको बताइएको छ।
