जति पटक विश्वासको मत लिनुपरे पनि पाउनेमा ढुक्क छुः प्रधानमन्त्री प्रचण्ड
काठमाडौं । प्रधानमन्त्री पुष्पकमल दाहाल प्रचण्डले अहिलेको राजनीति कहालीलाग्दो नभए पनि उतारचढाव भइरहेको बताएका छन् । शनिबार दिउसो नेकपा (माओवादी केन्द्र)को पार्टी कार्यालय पेरिसडाडामा ‘नेपाली कम्युनिष्ट आन्दोलन र जनक्रान्तिका ऐतिहासिक दस्तावेज ग्रन्थ दुई’, ‘जनयुद्धका चिठी’ र ‘कालिकोट स्मारिका’ विमोचन कार्यक्रमलाई सम्बोधन गर्दै उनले सरकारको ध्यान नीति तथा कार्यक्रम पारित गराएर बजेट ल्याउनेतर्फ केन्द्रित रहेको बताए ।
Advertisement 1
प्रधानमन्त्री प्रचण्डले जेठ ७ गते विश्वासको मत लिन लागेको जानकारी गराउँदै पाउनेमा विश्वस्त रहेको बताए । उनले भने, ‘मैले ७ गते विश्वासको मत लिने भनेर संसद सचिवालयमा पत्र पठाएको छु । एक जना कांग्रेसको नेताले यसरी नै जाँदा दर्जनौ पटक लिनुपर्ने हुन्छ भन्दै हुनुहुन्थ्यो अघिल्लो पटक । अहिले चौथो पटक लिँदैछु । यो पाँचौं, छैटौं हुँदै जाने देखिन्छ । तर, जति पटक लिनुपरे पनि विश्वासको मत प्राप्त हुन्छ भन्नेमा ढुक्क छु । कहिले बढ्छ कहिले घट्छ । सुरुमा त शतप्रतिशत जस्तै पाएको हो ।’
अहिलेको परिस्थति कतिपयलाई कहालिलाग्दो लागे पनि आफुलाई भने त्यस्तो नलागेको प्रधानमन्त्री प्रचण्डले बताए । उनले भने, ‘अहिलेको परिस्थिति अलि कहालीलाग्दो हो कि भन्ने कुरा कुरा आयो । तर, मलाई त्यस्तो लागेको छैन । उतारचढाव त पक्कै छन् । अहिले सरकारको ध्यान नीति कार्यक्रमलाई पारित गर्नु र संविधानको व्यवस्था गर्न बजेटको तयारीमा छ । नीति तथा कार्यक्रममा आएको विषयलाई बजेटमा सम्बोधन गर्न मैले सानो टीम खटाएको छु । भोलिसम्म त्यसलाई टुंग्याउँछौं ।’
Advertisement 2
कम्युनिष्ट एकताको पहिलो अभ्यास असफल भए पनि फेरि वातावरण बन्दैछ
यसैविच प्रधानमन्त्री प्रचण्डले कम्युनिष्ट एकताको पहिलो अभ्यास असफल भए पनि फेरि वातावरण बन्दै गइरहेको बताएका छन् । उनले आन्दोलनलाई सशक्त बनाउन सबै जना एकीकृत हुन आवश्यक रहेकोमा जोड दिए ।
उनले भने, ‘कम्युनिष्ट आन्दोलन एउटा विचारमा एकरुपतामा छ। अब हामी हामी समाजवादी क्रान्तिको तयारीमा छौं, समाजवादको आधार निर्माण गर्ने प्रक्रियामा छौं भन्ने कुरामा मोटामोटी सहमति भएको छ । कम्युनिष्ट आन्दोलनलाई विकास गर्नुपर्छ भन्ने चेतना हामीमा विकास भयो । एक चरण प्रयोग पनि गरेर पनि हेर्यौं तर, त्यसमा सफल हुन सकेनौं । एकचरण असफल भयौं भन्दैमा छाड्न हुँदैन । हामीले पटक पटक मेहनत गर्नेपर्छ । अहिले पनि हामीले कम्युनिष्ट आन्दोलनलाई केन्द्रित गर्ने मेहतन गर्न आवश्यक छ । त्यो वातावरण बन्दै गइरहेको छ ।
Advertisement 3
माधव नेपालको व्यंग्य हामी तमासा हेरिरहेका छौं, राष्ट्रिय राजनीतिमा प्रधानमन्त्री धेरै व्यस्त हुनुहुन्छ
यसैविच नेकपा (एकीकृत समाजवादी)का अध्यक्ष माधव नेपालले प्रधानमन्त्री पुष्पकमल दाहाल ‘प्रचण्ड’ नेपाली राजनीतिको सबैभन्दा व्यस्त मान्छे रहेको भन्दै व्यंग्य गरेका छन् । कार्यक्रमलाई सम्बोधन गर्दै उनले आफूहरु तसामा हेरिरहेको बताए ।
उनले भने, ‘हाम्रो प्रधानमन्त्रीज्यू अत्यन्त बिजी हुनुहुन्छ । राष्ट्रिय राजनीतिकको कुरामा उहाँ भन्दा बढी बिजी कोही छँदै छैन होला । हामीहरु त खाली तमासा हेरेर बस्ने मान्छे मात्रै पर्यौं । त्यसैले हामी सबै घटनालाई नियालिरहेका छौं । उनले आफूहरुले नेपालको राजनीतिले कुन कोर्स लिएर जाने हो भन्ने कुरा हेरिरहेको बताए ।
उनले थप्दै भने, ‘राम्रो दिशामा यो देशको राजनीति अगाडि बढाृृेस्, हामी चाहन्छौं देशमा स्थायित्व होस्, वामपन्थी कम्युनिष्टबीचको सहकार्य नयाँ उचाइमा पुगोस् ।
