भारतबाट भित्र्याइएको ठूलो परिणामको पटका सशस्त्र प्रहरीले बरामद गरेको छ। भारतको बिहार राज्यसँग जोडिएका नाकाबाट नेपाल भित्र्याइएको करिब साढे पाँच लाख रुपैयाँ बराबरको पटका बरामद गरिएको सशस्त्र प्रहरी नायव उपरीक्षक झापाका सूचना अधिकारी दिनेश कटुवालले जानकारी दिए।

Advertisement 1

हिजो साढे ८ बजे कचनकवल गाउँपालिका ५ सुनकोशी चिया बगान डाँगाबारीबाट खटिएको सशस्त्र प्रहरी सहायक निरीक्षक सुभाष राजबंशीको कमाण्डको टोलीले ४ लाख ७० हजारको पटका र ८० हजार बराबरको मोटरसाइकल बरामद गरेको छ ।

Advertisement 2

नागिन पटका ८२ बण्डल, रकेट पटका २७ बण्डल कलर सेट ११ बण्डल र कलर रेन पटका ३८ बण्डल बरामद गरी स्थानिय जनप्रतिनिधि, नेपाल प्रहरी र पत्रकारहरुको रोहबरमा साढे ९ बजे नष्ट गरिएको सूचना अधिकारी कटुवालले बताए।