नेकपाका नेता रघुजी पन्तको अभिव्यक्ति पछि अहिले कोमल वली चर्चित छिन् । सोही प्रकरण पछि उनले एक टेलिभिजन अन्तरवार्तामा आफू हिरा भएको र प्रधानमन्त्री ओलीमा हिरा चिन्ने खुबी भएको बताएकी छिन् । वलीले भनेकी छिन् म चाकरी गरेर होइन,केपी ओलीमा मात्र एउटा त्यस्तो क्षमता छ जसले हिरा चिन्छ । म नेकपाको हिरा हुँ । हिरालाई परख्नसक्ने क्षमता केपी ओलीमा छ । भलै म उहाँकी चेली हुँ । केपी ओलीमा हिरा परख्नसक्ने एउटा क्षमता थियो । त्यो क्षमताले मलाई अवसर दिनुभयो । मैले पाएँ । म यो पार्टीको हिमाल हुँ,’ यो भनाई राष्ट्रिय सभा सांसद कोमल वलीको हो ।

Advertisement 1

नेकपामा तपाईंले के योगदान गर्नुभयो ? भन्ने प्रश्नमा वलीले ‘देशको लागि गरेको छु नि गीत गाउनु र संगीतप्रतिको मेरो योगदान होइन ? कति सांसदहरुको योगदान छ नि,सबैको हेरौं न त १ पार्टीको लागि मात्र गर्नुपर्छ भन्ने छैन । गत ४ वर्षदेखि मैले नेकपाको हरेक क्षेत्रमा सेवा पुर्याउँदै आएको छु । टेवा पुर्याउँदै आएको छु । मेरो अमूल्य योगदान छ । राष्ट्रिय सभामा आउनुअघि मैले संगठन निर्माणको लागि काम गरेको छु,’ भनेकी छन् ।

आफ्नो प्रशंसा आफैँ गर्दै उनी भन्छिन् ‘नेकपाको लागि म पहाड हुँ,हिमाल हुँ,अन्नपूर्ण हिमाल हुँ । मेरो उचाई देखेर नेकपामा अध्यक्ष केपी ओलीले मलाई आमन्त्रण गर्नुभएको । त्यसैले यो पार्टी ज्वाइन गरेको ।’