अर्थ प्रवक्ताको जिम्मेवारी धनी राम शर्मालाई दिइएको छ ।

Advertisement 1

प्रकाशशरण महत अर्थमन्त्री भएसँगै बजेट महाशाखाबाट जिम्मेवारी विहीन भएका शर्मालाई अनुगमन महाशाखासहित प्रवक्तासमेत तोकिएको हो । यसअघि प्रवक्ता तथा अनुगमन महाशाखा प्रमुख रहेका आनन्द काफ्लेलाई प्रशासन महाशाखा प्रमुखको जिम्मेवारी दिइएको छ।

कानुन महाशाखा प्रमुखमा अर्जुन कुमार खड्का र राजश्व महाशाखा प्रमुखमा रितेश शाक्य रहेका छन्। मन्त्रीको जिम्मेवारी सम्हालेको एक महिना हुँदा समेत मन्त्री महतले दुई जना सहसचिवलाई अझै जिम्मेवारी दिन सकेका छैनन् ।

Advertisement 2

मन्त्रालय सरूवा भएर आएको दुई महिना हुँदा समेत जनक शर्माले कुनै जिम्मेवारी पाउन सकेका छैनन् । यस्तै, महतले तीन साता अघि मन्त्रालयमा ल्याएका बाबुराम सुवेदीलाई पनि जिम्मेवारी दिन सकेका छैनन् ।