जर्वजस्त करणी उद्योगमा रसुवाका एक युवालाई प्रहरीले नियन्त्रणमा लिएको छ । पीडितले दिएको जाहेरीको आधारमा हिजो शुक्रवार प्रहरीले कालिका गाउँपालिका तीन बस्ने रमेश अधिकारीलाई उनकै निवासबाट पक्राउ गरेको हो । गत २४ माघमा एक किशोरीमाथि दुर्व्यवहार गरेको पीडितको जाहेरीको आधारमा उनलाई कालिका गाउँपालिका ३ धारापानीबाट पक्राउ गरिएको जिल्ला प्रहरी कार्यलय रसुवाका डिएसपी देवेन्द्र पाण्डेले इकर्मचारीलाई बताए ।
पीडितले दिएको जाहेरी अनुसार, गत २४ गते ३ बजे ती किशोरी विद्यालयबाट घर फर्कदै थिइन् । डाँडाखेतस्थित कच्चीसडकमा मोटरसाइकलमा विपरित दिशाबाट बाइक आइरहेको थियो । सोही बाइकमा आएकामध्ये एक रमेश अधिकारी बाइकबाट ओर्लेर किशोरीको संवेदनशील अंगमा समाते,दुर्व्यवहार गरे ।

Advertisement 1

उनका अन्य साथीहरुले रमेशलाई हकारेको जाहेरीमा उल्लेख छ । सोही जाहेरीको आधारमा २७ बर्षे अधिकारीलाई धारापानीबाट नियन्त्रण लिइएको प्रहरीले जनाएको छ । अहिले उनलाई जिल्ला प्रहरी कार्यलय रसुवाको सदरमुकाम धुञ्चे हिरासतमा राखिएको छ । सम्भवत आइतबार नै केश अदालत जाने छ ।

पक्राउ परेका अधिकारी पूर्व माओवादीका सचिवालय सदस्य हुन् ।उनी जिल्लामा कृषि फर्म चलाउँदै आएका छन् । अधिकारी विगतदेखि नै बदनाम चरित्रका व्यक्ति हुन् ।