रसुवाका ठेकेदार सांसद तथा नेपाली काँग्रेसको तर्फबाट प्रतिनिधि सभाका उम्मेदवार मोहन आचार्यले कार्यकर्तालाई अश्लिल गालीगलौज गरेको अडियो सामाजिक सञ्जालमा छरपष्ट भएको छ । सामाजिक सञ्जालमा आफूविरुध्द स्टटास लेखेको भन्दै उनले कार्यकर्तालाई गर्धन फोर्दिने धम्की दिएका हुन् ।

Advertisement 1

कार्यकर्ता धर्मराज पौडेलले लेखेको स्टाटस नमेटे गर्धन फोरिदिने धम्की दिइएको अडियो  प्राप्त भएको छ ।

प्राप्त अडियोमा शुरुमा धर्मराज पौडेलको आवाज सुनिन्छ,हजुर दाइ १ जय नेपाल ।

Advertisement 2

मोहनले जवाफ फर्काउँछन्ओइ,यत्राको घण्टाको जय नेपाल,तैँले के खोजेको मा तँ जैसी,मा…. लाई

यताबाट धर्मले हेलो भनेको आवाज सुनिन्छ ।

आचार्यले फेरि धम्काउँछन् खुरुक्क त्यो स्टटास मेटाउँछस् कि तेरो गर्धन फोडिदिँऊ मा….

एकमीनेट दश सेकेण्ड लामो अडियो संवादमा मोहन आचार्यले ओइ तँ कोसँग जिस्किएको भन्दै पुन थर्काएको सुनिन्छ । तैँले मलाई हेपेको हो ? आजदेखि मेरो बारेमा केही लेखिस् भने तेरो गर्धन सर्धन फुटाइदिन्छु । जे लेखे पनि सहन्छु भनेको । चिनको छैनस् ? ‘,आजदेखि मेरो बारेमा लेखिस् भने ठाडै हान्दिन्छु‘।

मोहन आचार्यको धम्कीपछि धर्मले स्टाटस मेटेका छन् । प्रतिनिधि तथा प्रदेश सभा टिकट वितरणको सवालमा धर्मले केही दिनअघि स्टटास लेखेका थिए । सोही विषयलाई लिएर ठेकेदार सांसद मोहन आचार्यले धर्मलाई धम्की दिएका हुन् ।

यसैबीच यो प्रकरणमा जोडिएका धर्मराज पौडेलले आफ्नो ब्यक्तिगत विषयलाई लिएर अनर्गल प्रचार नगर्नुहुन अनुरोध गरेका छन् ।

उनले सामाजिक सञ्जालमा एक स्टाटस लेख्दै नितान्त व्यक्तिगत विषयमा आफूले चासो राख्ने हो अरुले टाउको दुखाउनु पर्ने जरुरत छैन भन्दै अगाडि लेखेका छन् हाम्रो सम्बन्ध जुन खाले पनि हुनसक्छ, मलाई चासो छैन भने यहाँहरुलार्इ किन टाउको दुखाइ ?

चुनावी मसला बनाउनु छ,आफूले गरेका राम्रो कामहरुको बिषयमा प्रचार गर्नुस्,चुनाव जित्नुस्, शुभकामना छ । तर कसैको ब्यक्तिगत मामलामा प्रवेश गरी कसैको चरित्रहत्या गर्ने हिसाबले चुनावी मर मसला बनाउनुहुन्छ भने कानुनी उपचारको साहयता लिन लिन बाध्य हुनेछु । म पार्टीको साधारण सदस्यता पनि त्याग गरी स्वतन्त्र जीवन बिताइरहेको अवस्थामा पनि एक नागरिकको हिसाबले मतदानमा सहभागी हुन पाउनु मेरो नैसर्गिक अधिकार हो र उक्त अधिकार प्रयोग गरी मेरो मत नेपाली कांग्रेस र नेकपा माओवादी केन्द्रका उम्मेदवारहरुलाई नै जाने हो अनि तपाईंहरुलाई के को टाउको दुखाइ र !