गभर्नर महाप्रसाद अधिकारीले आफू एमालेको विभागीय सदस्य नरहेको जिकिर गरिरहँदा एमालेकै अर्थ तथा योजना आयोगका एक सदस्यले भने अधिकारी एमालेको सो विभागमा भएको र नियमित बैठकमा उपस्थित भइरहेको प्रतिक्रिया दिएका छन् ।

Advertisement 1

नेपाल राष्ट्र बैंकका गभर्नर महाप्रसाद अधिकारीले आफू नेकपा एमालेको अर्थ तथा योजना विभागको सदस्य नरहेको जनाएका छन् । अधिकारीले आफूले पाँच बर्ष अघि नै आफूले नेकपा एमालेको अर्थ तथा योजना आयोगका सदस्यबाट राजीनामा दिइसकेको जनाएका छन् ।उनले पार्टी सचिवलाई २०७३ जेठ २५ गते लेखिएको पत्र र एमाले केन्द्रीय कार्यालयको तर्फबाट सचिव कृष्णगोपाल श्रेष्ठले असार २० गते लेखेको जवाफमा विषयवस्तु स्पष्ट पारिएकाले अहिले फेरि चर्काउन आवश्यक नरहेको जबाफ दिएका छन् ।
हालै मात्र घनश्याम भुसालको अध्यक्षतामा गठन भएको उक्त विभागको सदस्यमा अधिकारीको पुख्र्यौली ठेगानासहित छोटकरी नाम राखिएपछि सर्वत्र विरोध भएको हो । बैंक ऐन २०५८ मा स्पष्टसँग कुनै पनि राजनीतिक दलका सदस्य गभर्नर, डेपुटी गभर्नर वा सञ्चालक बन्न नपाइने उल्लेख छ ।
खोटाग ठेगनाबाट एम अधिकारीको नाम सो विभागमा समावेश भएसँगै अधिकारीको राजीनामा माग्न थालिएको छ ।

यसैबीच नेकपा एमालेकै सोही विभागका सदस्य उपप्रध्यापक इञ्जिनियर देउकाजी गुरुङले महाप्रसाद अधिकारी एमालेको अर्थ तथा योजना विभागमा रहेको खुलासा गरेका छन् ।अर्थ संचार नामक सञ्चारमाध्यमसँग कुरा गर्दै ई गुरुङले महाप्रसाद पहिलादेखि नै सोही विभागमा रहेको र अहिले पनि मिटिङमा उनी उपस्थित भइरहेको जनाएका छन् ।
उनका अनुसार सो विभागमा २५ सदस्य रहेका छन् । सो विभागको बैठकमा महाप्रसाद अधिकारी पनि सामेल हुन गरेको जनाएका छन् ।

Advertisement 2