नेकपा एमालेमा सो पार्टी परित्याग गरी दिनानुदिन विद्रोह गर्नेहरुको संख्या थपिँदै गएको छ । नारायणीको तिरदेखि जिल्ला जिल्लाका अधिवेशनसम्म सर्वसहमत नेतृत्व चयनका नाममा एमालेको रटानका कारण सो पार्टी परित्याग गर्नेहरुको भीडमा थपिएका छन् भक्त रसाइली ।

Advertisement 1

पूरानो कम्युनिष्ट नेता रसाइलीले सो पार्टी परित्याग गरेको घोषणा गरेका छन् ।  नेतृत्वमा देखिएको अहंकारवाद,दक्षिणपन्थी दृष्ट्रिकोण,पूर्वाग्राही र गुटगत मानसिकता,राष्ट्रघाती एमसीसीको मौन समर्थन लगायतका कारण सो पार्टी परित्याग गरि नेकपा एकीकृत समाजवादीसँग आवद्ध भएको उनले एक विज्ञप्ती जारी गरि जानकारी गराएका छन् ।
०४३ सालदेखि नै कम्युनिष्ट राजनीतिमा होमिएका रसाइली तत्कालीन नेकपा (माले)को विद्यार्थी संगठन अनेरास्ववियूको प्रारम्भिक,इलाका हुँदै जिल्ला कमिटिमा आवद्ध रहेका उनी ०५३ को राष्ट्रघाती महाकाली सन्धी पश्चात नेकपा माओवादीमा आवद्ध रहेका थिए । एमाले र माओवादी एक भई नेकपा गठन हुँदा गण्डकी प्रदेशको सचिवालयमा रहेर काम गरेका उनी सर्वाेच्चको फैसला पछि नेकपा विभाजन भइ माओवादी र एमाले हुँदा रामबहादुर थापा,मणि थापाहरुसँगै माओवादीमै रहेका थिए तर नेतृत्वमा देखिएको अहंकारवाद,दक्षिणपन्थी दृष्ट्रिकोण,पूर्वाग्राही र गुटगत मानसिकता,राष्ट्रघाती एमसीसीको मौन समर्थन लगायतका कारण सो पार्टी परित्याग गरेको उनले विज्ञप्तीमार्फत सार्वजनिक गरेका छन् ।

नेकपा एकीकृत समाजवादी स्कूल विभागका सदस्य शंकर पोखरेलको अग्रसरतामा उनलाई नेकपा एकीकृत समाजवादीमा ल्याइएको हो । पछिल्लो समय एमाले त्यागेर एकीकृत समाजवादी रोज्नेहरुको संख्या बढ्दै गएको छ ।

Advertisement 2

केही दिन अघिमात्र अर्घाखाँचीका युवा गोविन्द भुषालले सो पार्टी परित्याग गरेका थिए । भुषाल नेकपा एमाले निकट रास्ट्रिय युबा संघ नेपालको केन्द्रीय कमिटी सचिवको भूमिकामा समेत रही कार्य पार्टी र संगठनका हितमा काम गर्दै आइरहेका थिए ।

पार्टीको चितवनमा सम्पन्न महाअधिवेशन,सो अघि भएका पालिका महाअधिवेशनदेखि हिजो सम्पन्न जिल्ला महाअधिवेशनसम्म् आइपुग्दा पार्टी भित्र चरम गुटबन्दी,व्यक्तिवादी मनोमानी ,चरम अबसरबाद ,नाताबाद कृपाबाद र नेतृत्वमा देखिएको निरंकुशताजस्ता प्रवृत्तिबाट हामी जस्ता इमानदार र निष्ठावान नेता तथा कार्यकर्ताहरु एमाले पार्टी र यसका जनबर्गीय संगठनमा निरन्तर काम गर्न सक्ने अवस्था नदेखिएकाले एमाले परित्यागको गर्नेको भीडमा यस अघि सिन्धुपाल्चोकका पूराना कम्युनिष्ट नेता सुवास कर्माचार्यले सो पार्टीबाट विद्रोह गरेर निस्किएका छन् । उनी ठूलो दलबल सहित एकीकृत समाजवादी पार्टीमा समाहित हुने तयारी गर्दैछन् । कर्माचार्यको वहिर्गमनले एमाले सिन्धुपाल्चोकमा ठूलै पहिरो जाँदैछ ।
यस्तै पाल्पामा पूर्वसांसद यादवबहादुर रायमाझीले एमालेबाट विद्रोह गरेर एकीकृत समाजवादीमा प्रवेश गरिसकेका छन् ।

एमाले सुनसरीका पूर्वइञ्चार्ज तथा पूर्वकेन्द्रीय सदस्य धर्मराज निरौलाले उसैगरी ओलीको साथ छाडेका छन् । डडेल्धुराबाट ताराप्रसाद जोशीले उसैगरी विद्रोह गरी एकीकृत समाजवादीमा समाहित भइसकेका छन् । नेतृत्वको तानाशाही शैलीका कारण हरेक जिल्ला जिल्लामा एमाले पार्टी त्यागेर हिड्नेको संख्या बढ्दै छ ।