यी हुन् रसुवाबाट चुनिएका एमाले महाधिवेशनका सात प्रतिनिधि
नेकपा एमालेले आसन्न महाधिवेशनका लागि रसुवा जिल्लाबाट सर्वसम्मत रूपमा महाधिवेशन प्रतिनिधि छनोट गरेको छ । आगामी मंसिर १० देखि १२ गते चितवनमा हुन लागेको महाअधिवेशनका लागि सात जना प्रतिनिधि सर्वसम्मत रुपमा चयन भएको रसुवा एमालेले जनाएको छ ।
Advertisement 1
१ हजार ९९९ प्रतिनिधि सहभागी सहभागी हुने सो महाअधिवेशनका लागि रसुवाबाट पाँच पुरुष,एक महिला र अर्काे दलित कोटाबाट महिला प्रतिनिधि चयन गरेको हो । महाधिवेशनका लागि १६ जना आकांक्षी देखिएका भए पनि आपसी सहमतिमा एमालेले सात जना प्रतिनिधि टुंग्याएको हो ।
एक मात्र संघीय निर्वाचन क्षेत्र रहेको हिमाली जिल्ला रसुवाबाट पार्टी अध्यक्ष कर्णेल लामा, संविधान सभा सदस्य छेवाङ तेन्जिङ तामाङ,युवा नेता तथा संविधान सभा सदस्य जर्नादन ढकाल, कुलप्रसाद भट्ट, अशोक घिमिरे, शुभद्रा देवकोटा र चमेली बि क सुनुवार (शिला) महाअधिवेशन प्रतिनिधिका रुपमा चयन गरेको पूर्व सांसद जनार्दन ढकालले जानकारी दिए।
नेकपा एमालेको विधान महाधिवेशनले निर्देशित गरेको कुल संगठित सदस्य संख्या तथा समावेशीताको आधारमा महाधिवेशन प्रतिनिधि छनौट गर्न पाउने प्रावधान अनुरुप खुल्लातर्फबाट जनार्दन ढकाल, कर्णेल लामा, छोवाङ तेञ्जिङ तामाङ, अशोक घिमिरे र कुलप्रसाद भट्ट महाधिवेशन प्रतिनिधिका रुपमा चुनिएका हुन्।
Advertisement 2
यस्तै ,महिलातर्फ सुभद्रा देवकोटा र दलितबाट चमेली सुनार छनौट भएको रसुवा एमालेले जनाएको छ ।
