गत बिहिबार बौद्धस्थित एक जुवाको खालबाट कांग्रेसका जिल्ला सभापति पक्राउ परे । ६ लाख रुपैंयासहित जुवा खालबाट पक्राउ पर्नेमा दोलखाका कांग्रेस जिल्ला सभापति वर्मा लामा लगायत थिए । हालै सम्पन्न काँग्रेसको जिल्ला जिल्ला अधिवेशनबाट सभापतिमा निर्वाचित लामा पक्राउ परेसँगै बौद्धस्थित महानगरीय प्रहरी वृत्तको हिरासतमा राखिएको थियो तर सुगरको मात्रा बढेको भन्दै उनलाई अस्पताल पुर्याइयो ।

Advertisement 1

काँग्रेस सभापति लामालाई प्रहरीले जोरपाटीस्थित नेपाल मेडिकल कलेजमा भर्ना गरेको छ । सोही अस्पतालमा भेट्नका लागि पूर्व सञ्चारमन्त्री तथा एमाले नेता पार्वत गुरुङ अस्पताल पुगेका छन् । जुवाको खालबाट पक्राउ परेका काँग्रेस जिल्ला सभापति लामालाई भेट्न सोही जिल्लाको भीमेश्वर नगरपालिकाका मेयर भरत केसीसहति एमाले नेता गुरुङ हिजो अस्पताल पुगेका थिए । उनीहरुले लामाको स्वास्थ्य लाभको कामना गर्दै सान्त्वना दिएर फर्किएका छन्।