सर्वाेच्चको आदेशपछि ०७८ साल असार २९ मा पाचौं पटक प्रधानमन्त्री पदमा नियुक्त भएका देउवा सरकारले आज आफ्नो सय दिन अर्थात हनिमुन पिरियड पूरा गरेको छ । कुनै समय जम्मो मन्त्रिमण्डल बनाएर आलोचित भएका देउवाले आफ्नो किचन क्याविनेट बिस्तार गर्न ८८ दिन लाग्यो । ८८ दिनपछि बल्ल मन्त्रिपरिषद् बिस्तार भयो त्यहाँ गैर सांसदलाई टपक्क टिपेर मन्त्री बनाइयो ।
नाताले प्रधानन्याधीश चोलेन्द्र शमशेर जवराको जेठान गजेन्द्र हमाललाई मन्त्री बनाइएपछि न्यायलयले प्रधानमन्त्री बनाइदिएका कारण गुन तिर्नका लागि मन्त्री पद दिएको चर्चा चल्यो । चर्काे आलोचना पछि तीन दिनमै गजेन्द्रले मन्त्री पदबाट राजीनामा दिन बाध्य भए ।

Advertisement 1

कुनै समय पूर्व राजाद्धारा असक्षमको ट्याग लागेका शेरबहादुर देउवा सरकारको हनिमुन पिरियड हेर्दा खासै खुट्टी हेर्दै चाल पाइयो भन्दैछन् प्रमुख प्रतिपक्षी दलका नेताहरु चाहिँ ।राजनीतिक विश्लेषकहरुले देउवा सरकारको हनिमुन पिरियडमा समीक्षा गर्न लायकको कुनै काम गर्न नसकेको टिप्पणी गरेका छन् ।
यो बीचमा देउवा सरकारले एक पछि अर्काे विवादित काम गरेर बदनामी मात्र कमाएको छ ।ओलीले दुई दुई पटक बिघटन गरेको संसद सर्वाेच्च अदालतको साहराबाट व्युतिए पनि संसदले बिजनेश पाउन सकेको छैन् । बरु यो बीचमा राजनीतिक दलसम्बन्धी अध्यादेश ल्याइयो,ओलीकै शैलीमा । प्रधानमन्त्री देउवाले पनि गत ३२ साउनमा संसद् अधिवेशन अन्त्य गरेर १ भदौमा राजनीतिक दलसम्बन्धी अध्यादेश ल्याए सोही अध्यादेशमा टेकेर  एमाले फ्ट्यो र बन्यो नेकपा समाजवादी अनि जनता समाजवादी पार्टी फुट्यो र बन्यो लोकतान्त्रिक समाजवादी पार्टी ।
आफ्नो अभिष्ट पूरा भए पछि देउवा सरकारले ११ असोजमा सो अध्यादेश फिर्ता लिइसकेको छ ।
देउवा सरकारको हनिमुन पिरियडिमै नेपाली इतिहासमा पटक बजेट सटडाउन हुन पुग्यो । मामुली सचिव र सहसचिवको सरुवामा सरकार अल्मरिरहेको छ यो अवधिमा । विवादमा मुछिएका व्यक्तिलाई नियुक्ति दिएका कारण सरकार झन आलोचित बन्न पुगेको छ । पशुपति क्षेत्रमा १०८ किलो सुनको जलहरीमध्ये ११ किलो घोटला प्रकरणमा डामिएर अख्तियारले अनुसन्धान गरिरहेको पूर्व कोषाध्यक्ष कुमार थापालाई रातारात पशुपति क्षेत्र विकास कोषको सदस्य सचिव नियुक्ति गरिएसँगै देउवा सरकार आलोचनामा मुछियो । यस्तै,एमसीसी प्रकरणमा समेत देउवा सरकार बदनामी कमाइरहेको छ ।

यस्तै यो अवधिभित्र उपसभामुख नियुक्ति हुन सकेको छैन् । न त सरकारले भ्रष्टचार नियन्त्रण र सुशासन कायम गर्न सकेको छ । पूर्ववर्ति ओली सरकारको पालामा नियुक्त भएका राजदुत फिर्ता बोलाइयो अहिले २३ देशमा राजदूतविहिन अबस्थामा छ ।

Advertisement 2

बर्षाै पहिला समाधान भइसकेको चीनसँगको सीमा विवाद निकालेर विवादमा तानिएको देउवा सरकारले दार्चुलाका जयसिंह धामी प्रकरणमा अनावश्यक विज्ञप्ती निकालेर झनै विवादित बन्न पुगेको छ सय दिनमा ।

पूर्व राजा ज्ञानेन्द्रले असक्षमको ट्याग लगाएर बर्खास्त गरेका देउवा पाँचौं पटक प्रधानमन्त्री नियुक्त भए पनि उनको हनिमुन पिरियड नियाल्दा विगतको धुमिल छवी सफा पार्नबाट चुकेका छन् उनी ।