प्रधानमन्त्री केपी शर्मा ओलीको सिफारिसमा प्रतिनिधिसभा फेरि विघटन गरिएपछि नेकपा (एमाले) भित्रको विवाद फेरि चर्किएको छ । माधव नेपाल समूहले संसद् विघटनको विरोध गर्दै विपक्षी गठबन्धनलाई साथ दिने घोषणा गरिसकेको छ । ओली खेमाले माधव नेपालसहित उनी पक्षधर ११ नेतामाथि स्पष्टीकरण सोधेको छ ।हिजो प्रधानमन्त्री निवास वालुवाटारमा बसेको एमाले स्थायी कमिटिको बैठकले प्रधानमन्त्री केपी शर्मा ओलीलाई प्रधानमन्त्रीबाट हटाउन विपक्षी दलसँग मिलेर हस्ताक्षर गरेको र प्रधानमन्त्री ओलीविरुद्धका गतिविधिमा संलग्न भएको भन्दै बरिष्ठ नेता माधवकुमार नेपालसहित ११ जना सांसदहरुलाई लिखित स्पष्टिकरण सोध्ने निर्णय गरेको हो। बरिष्ठ नेता नेपालसहित अर्का वरिष्ठ नेता झलनाथ खनाल, भीम रावल, मुकुन्द न्यौपाने, रामकुमारी झाँक्री, कल्याणी खड्का, सरला यादव, पुष्पा कर्ण, लक्ष्मी चौधरी, कलिला खातुन र निरा देवी जैरूलाई स्पष्टिकरण सोध्ने निर्णय गरिएको छ ।
दूर्घटनाको डिलबाट फर्किएर केही साता अघि एक भएको एमाले पुन फुटको स्थितीमा पुगेको छ । पछिल्लो घटनाक्रमसँगै पार्टी लगभग विभाजनको अवस्थामा पुगेको छ । यस्तो स्थितीमा वरिष्ठ नेता नेपालले अर्को पार्टी खोल्ने निर्णयमा पुगेको बताएका छन् ।

Advertisement 1

वरिष्ठ नेता नेपालले अर्को पार्टी खोल्ने निर्णयमा पुगेको बताएका छन् । नेता नेपालले अध्यक्ष ओलीले धकेलेर फुटको दिशामा पुर्याएको र अर्को पार्टी खोल्न बाध्य पारेको बताएका छन् ।

आजको आन्तिपुर दैनिकले लिएको अन्तरर्वातामा नेता नेपालले भनेका छन् ‘ओलीजीको प्रतिगमनविरुद्ध राजनीतिक र कानुनी दुवै लडाइँमा जाने हाम्रो स्थायी कमिटीको निर्णय नै छ । हाम्रो आज हिजो पनि बैठक बसेको थियो, उहाँको अलोकतान्त्रिक कदमविरुद्ध संघर्ष गर्ने निर्णय गरेका छौं ।’‘प्रतिनिधिसभामाथि ओलीजीले नै एकपछि अर्को प्रहार गर्न थालेपछि हामीले के गर्न सक्छौं र  ?  हामीले त जोगाउन सक्दो प्रयत्न गरेकै हो नि । उहाँले असंवैधानिक कदम चालेपछि हाम्रो उपाय लागेन । प्रतिनिधिसभा र लोकतन्त्र जोगाउन हामी फेरि पनि लागेका छौं । जो लोकतन्त्र र प्रतिनिधिसभा जोगाउन लाग्छ, उसैले कम्युनिस्ट पार्टी जोगाउने हो ।’ उनले भने

Advertisement 2

लोकतन्त्र जोगाए मात्र कम्युनिस्ट पार्टी हुनुको उपादेयता रहने नेता नेपालको भनाई छ । ‘लोकतन्त्र, गणतन्त्र र परिवर्तनविरुद्धमा, विदेशी दासताको पक्षमा, विदेशीले लगाएको काममा लागेपछि त कसरी प्रतिनिधिसभा जोगिन्छ ?’ उनले प्रश्न गरेका छन् ।

उनले भने, ‘हामीसँग कुनै मतलब नराखेर उहाँले नै दक्षिणपन्थीहरूसँग साँठगाँठ गरेको होइन ? उहाँले एकलौटी गर्नुभएको छ । विदेशीसँग याचना गर्नुभएको छ । ओलीजीले सोधेको स्पष्टीकरणबारे के कुरा गर्नु ।’