पूर्व सामान्य प्रशासन मन्त्री केशव बहादुर बुढाथोकीको निधन भएको छ । बुढाथोकीको विराटनगरस्थित विराट नर्सिङ होममा उपचारका क्रममा निधन भएको हो । पञ्चायतकालदेखि राजनीतिमा सक्रिय बुढाथोकी ०७३ सालमा प्रधानमन्त्री पुष्पकमल दाहाल नेतृत्वको मन्त्रिपरिषद्मा सामान्य प्रशासन मन्त्री थिए । नेपाली कांग्रेसको गत महाधिवेशनमा उनी केन्द्रीय सदस्यमा निर्वाचित भएका थिए ।

Advertisement 1

झापा क्षेत्र नं ५ बाट राजनीति यात्रा सुरु गरेका उनले चार दशक बढि समय बेथित गरेका छन् । उनले २०२४ सालमा विद्यार्थी आन्दोलन मार्फत राजनिती शुरु गरेका हुन् ।

विद्यार्थी आन्दोलनका क्रममा आफ्ना दाइ, मामाहरू निर्वासनमा गएपछि त्यसबाट प्रेरित भई प्रजातान्त्रिक आन्दोलनमा लागेको बताउने ६५ वर्षीय बुढाथोकीले यस क्रममा नौ महिना जेल जीवन बिताएका छन्।

Advertisement 2

बुढाथोकीका दुई छोरा र दुई छोरी छन्।