उमेद्धारी खारेजीको माग गर्दै निर्वाचन आयोगमा रवि लामिछाने विरुद्ध उजुरी
स्वतन्त्र पार्टीका अध्यक्ष रवि लामिछानेको प्रवेशले अहिले चितवन २ को चुनावी प्रतिस्पर्धा त्रिपक्षीय बन्न पुगेको छ । गत आइतबार चुनावी प्रचारमा रहेको उनको गाडीमा तोडफोड भएपछि सामाजिक सञ्जालसँगै सञ्चार माध्यममा छाए, लामिछाने।
Advertisement 1
उनै लामिछानेको उमेद्धारी खारेजीको माग गर्दै निर्वाचन आयोगमा उजुरी दर्ज भएको छ ।लामो समय अमेरिका बसेर स्वदेश फर्किएका उनले उताको नागरिकता नत्यागेको भन्दै आयोगमा उजुरी परेको हो ।
लामिछानेले अमेरिकी नागरिकता प्राप्त गरेपछि नेपालको नागरिकता त्याग नगरेकाले उनको उम्मेदवारी खारेजी गर्नुपर्ने भन्दै राजकुमार पाण्डेले निर्वाचन अधिकृतको कार्यालयमा मंगलबार उजुरी दर्ता गराएका हुन ।
Advertisement 2
पाण्डेको उजुरीपछि कानुनी प्रक्रिया अनुसार प्रतिनिधि सभा सदस्य निर्वाचन क्षेत्र नम्बर २ चितवनको निर्वाचन क्षेत्रलाई पत्राचार गरिसकेको निर्वाचन आयोगले जनाएको छ । अब निर्वाचन अधिकृतले लामिछानेसँग स्पष्टीकरण सोधेर प्रक्रिया अघि बढाउनेछ ।
