कमाउ कार्यालयमा कर्मचारीको मरिहत्ते !
घुस्याहा र आकर्षक कार्यालयका रूपमा वैदेशिक रोजगार विभाग, मालपोत कार्यालय, नापी कार्यालय, श्रम कार्यालय, राजस्व कार्यालय, सडक तथा डिभिजन कार्यालय, कर कार्यालय, सुगम र बढी बजेट भएका स्थानीय तह, कम्पनी रजिस्ट्रार कार्यालय भौैतिक तथा पूर्वाधार मन्त्रालयअन्तर्गतका कार्यालय, केही जिल्ला प्रशासन कार्यालय छन् ।
Advertisement 1
ती कार्यालयमा जान कर्मचारीको तँछाडमछाड हुने क्रममा कमी नआएको संघीय मामिला तथा सामान्य प्रशासन मन्त्रालयले जनाएको छ । यस कार्यमा कर्मचारी र कर्मचारीका केही नेताहरू समेत संलग्न हुने गरेको स्रोतको भनाइ छ ।
संघीय मामिला तथा सामान्य प्रशासन मन्त्रालयले विभिन्न समयमा गरेको अनौपचारिक अध्ययनले घुस्याहा र आकर्षक कार्यालयमा जाने र यसका लागि सेटिङ मिलाउने कर्मचारीको संख्या उल्लेख्य रहेको देखाएको छ ।
Advertisement 2
यातायात कार्यालय पनि निकै आकर्षक कार्यालयका रूपमा रहे पनि हाल ती कार्यालय प्रदेश मातहत रहेकाले यातायात कार्यालयमा सरुवा माग्नेहरूको भीड हिजो आज प्रदेशतर्फ सरेको छ ।
यसकारण गर्छन् मरिहत्ते ?
यस्ता कार्यालयमा कर्मचारी दैनिक १० देखि ३० हजारसम्म अतिरिक्त कमाइ गर्ने गरेको राष्ट्रिय सतर्कता केन्द्रको अध्ययनले देखाएको छ । अख्तियार दुरुपयोग अनुसन्धान आयो र राष्ट्रिय सतर्कता केन्द्रले हालै सार्वजनिक गरेको प्रतिवेदनले सबैभन्दा बढी अनियमितता हुने कार्यालयमा मालपोत, यातायात, वैदेशिक रोजगार, शिक्षा र स्थानीय तह रहेको छ ।
