सर्वसाधारणका लगेज चोरी र फुटाउने घटना आइरहेका बेला यसको शिकार नेपाल सरकारका निर्वाचन आयोगका सचिव गोकर्णमणि दवाडी पनि भएका छन्। काठमाडौंबाट नेपाल वायुसेवा निगमको जहाजमा दिल्ली गएका निर्वाचन आयोगका सचिव गोकर्णमणि दुवाडीले यस्तै घटना व्यहोर्नुपरेको हो।

Advertisement 1

काठमाडौं-दिल्ली यात्राका क्रममा सचिव दवाडीको लगेज फुटाएको अवस्थामा फेला परेको हो। दिल्ली पुगेर हेर्दा आफ्नो लगेज फुटाएको अवस्थामा भेटिएको सचिव दवाडीले सामाजिक सञ्जालमा लेखेका छन्। ‘नेपाल एयरलाइन्सबाट दिल्ली पुगेपछिको पहिलो उपहार लथालिङ्ग पारिएको फुटाइएको ब्यागेज हात पर्‍यो,’ उनले ट्विटरमा लेखेका छन्, ‘यसको जिम्मा कसले लिनेरु तिम्रो अनुसन्धान गर्दै गरौला। मैले मेरो सामान बोक्न अब डोको खोज्नु पर्‍यो।’

सचिव दुवाडीले यसबारे सामाजिक सञ्जालमार्फत गुनासो पोखेका छन् । नेपाल एयरलाइन्स लगायतमा यात्रामा क्रममा यात्रुहरुको लगेज अनधिकृत रुपमा फुटाउने, खानतलासी गर्ने र हराउने गुनासो धेरै आउने गरेको छ।

Advertisement 2