हरिशंकर मिश्र प्रदेश नम्बर २ को प्रदेश प्रमुख नियुक्त भएका छन् ।

Advertisement 1

सरकारको सिफारिशमा राष्ट्रपति विद्यादेवी भण्डारीले मिश्रलाई मंगलवार प्रदेश प्रमुखमा नियुक्त गरेकी हुन् ।

राष्ट्रपतिको कार्यालयले जारी गरेको सूचनामा भनिएको छ, “सम्माननीय प्रधानमन्त्रीज्यूको सिफारिशमा नेपालको संविधानको धारा १६३ को उपधारा २० बमोजिम श्री हरिशंकर मिश्र, महोत्तरीलाई प्रदेश २ को प्रदेश प्रमुखमा नियुक्त गर्नुभएको छ।”

Advertisement 2

३२ साउनमा बसेको मन्त्रिपरिषद् बैठकले मिश्रलाई प्रदेश प्रमुख बनाउने निर्णय गरेको थियो। त्यहिअनुसार, राष्ट्रपति समक्ष सिफारिश गरेको थियो। त्यस्तै, प्रदेश २ का प्रदेश प्रमुख राजेश झा हटाइएका छन्। मन्त्रिपरिषद्को सिफारिशमा राष्ट्रपति भण्डारीले झालाई पदमुक्त गरेको जनाइएको छ। झालाई केपी शर्मा ओली नेतृत्वको सरकारले प्रदेश प्रमुख नियुक्त गरेको थियो।

यसअघि गण्डकी र लुम्बिनी प्रदेश प्रमुख पनि हटाइएका थिए। लुम्बिनीमा अमिक शेरचन र गण्डकीमा पृथ्वीमान गुरूङलाई प्रदेश प्रमुख नियुक्त गरिएको थियो।