वैदेशिक रोजगार विभागमा हाकिम परिवर्तन भएका छन् ।
केही साता अघि विभागका महानिर्देशक कुमार दाहाललाई विभागबाट लुम्बिनी प्रदेशस्थित मुख्यमन्त्री तथा मन्त्रिपरिषद्को कार्यलयमा सरुवा गराइएको थियो ।
सो पछि रिक्त रहेको स्थानमा कृष्ण दवाडीलाई खटाइएको छ ।
दवाडी यस अघि शहरी विकास मन्त्रालयमा कार्यरत थिए । दुई साता अघि ७९ सह सचिवको सरुवा तथा पदस्थापन हुँदा उनलाई त्यहाँबाट श्रम मन्त्रालयमा पठाइएको थियो ।

Advertisement 1

कुमार दाहाल कार्यसम्पादनमा अब्बल कर्मचारीमा गनिन्छन् । निजामती सेवा सुधार्न कम्मर कसेर लाग्ने सहसचिवमध्येका हुन भिष्म भुसाल, कुमार दाहालहरु । जो कुनै पनि निकायमा सात वा आठ महिनाभन्दा बढी टिकेको रेकर्ड छैन । कुमार र भीष्महरु यस्ता पात्र हुन् जहाँ पुग्यो त्यहीं तहल्का पिट्छन् । भुसाल केही महिनाअघि कामै नलाग्ने अड्डाको रूपमा परिचित नेपाल ट्रस्टको कार्यालयतिर खेदिए, सँगै बालुवाटारवालाका लागि काउसो बने । परिणामतः साताअघि त्यहाँबाट वित्त आयोगतिर धपाइएका छन् ।
खोटाख्गे सहसचिव कुमार दाहाल उपसचिवबाट सहसचिवमा बढुवा हुनेबित्तिकै वाणिज्य, आपूर्ति तथा उपभोक्ता संरक्षण विभागको महानिर्देशक चलाए तर ५ महिना नपुग्दै फालिए । फालिनुपर्ने कारण थियो त्यहाँ रहँदा चौधरी ग्रुप, आरजु राणा जस्ता सम्भ्रान्त वर्गको सिण्डिकेट तोड्ने प्रयास । सोही बदलामा काठमाडौंबाट खेदेर विराटनगर महानगरपालिकातिर फालिए । त्यहाँबाट यातायात व्यवस्था विभागको हाकिम भएर, ५ महिना नबित्दै फेरि खेदिए । यातायातमा सिण्डिकेट लाद्दै आएको ल्होत्सेसँग पंगा खेले । त्यहाँबाट राष्ट्रिय सूचना आयोग र वैदेशिक रोजगार विभाग पुगे । वैदेशिक रोजगारीको बहानामा भइरहेको ठगीको जालो तोड्न खोजे । त्यहाँबाट पनि व्यापारीले खेदेर मुख्यमन्त्री तथा मन्त्रिपरिषद्को कार्यलय लुम्बिनीतिर फालिएका छन्, अघिल्लो साता । सो ठाउँमा अहिले अर्काे सहसचिव कृष्ण प्रसाद दवाडीलाई खटाइएको छ ।