वातावरण मन्त्रालय हराएको सूचना बोकेर सिंहदरबार अगाडि प्रदर्शनमा उत्रिएका प्रर्दशनकारीहरुलाई प्रहरीले नियन्त्रणमा लिएको छ। केही दिन यता बढ्दै गएको वायु प्रदूषण र निजगढ बचाउको माग गर्दै प्रदर्शनमा उत्रिएकालाई शुक्रवार प्रहरीले पक्राउ गरेको हो । प्रर्दशनकारीहरुले वातावरण मन्त्रालय हराएको सूचना बोकेर सिंहदरबार अगाडि प्रर्दशन गरेका थिए । उनीहरु प्रदूषण र डढेलो नियन्त्रणमा सरकार मौन बसेको भन्दै प्रर्दशनमा उत्रिएका हुन् । सिंहदरबारअगाडि निषेधित क्षेत्रमा प्रदर्शन गरेको भन्दै केही प्रदर्शनकारीहरूलाई प्रहरीले नियन्त्रणमा लिएको जनाएको छ । प्रर्दशनकारीहरुले जलवायु संकट वा जनस्वास्थ्य संकट घोषणा गर्नुपर्ने माग राखेका थिए।

Advertisement 1

उनीहरुलाई सिंहदरबार अगाडिबाट पक्राउ गरी अहिले महेन्द्र पुलिस क्लबमा राखिएको छ ।

Advertisement 2