खाद्य स्वच्छता तथा गुणस्तर विधेयक संघीय संसद्बाट पारित
काठमाडौं । खाद्य स्वच्छता तथा गुणस्तर विधेयक प्रतिनिधि सभाबाट पारित भएको छ । बुधबार बसेको प्रतिनिधि सभामा कृषि तथा पशुपंक्षी विकासमन्त्री ज्वालाकुमारी साहले विधेयक पारित गरियोस् भन्ने प्रस्ताव प्रस्तुत गरेकी थिइन् ।
उक्त प्रस्ताव बैठकबाट बहुमतले पारित भएको हो । यो विधेयक तत्कालीन कृषिमन्त्री घनश्याम भुषालले २०७७ असार २८ गते राष्ट्रिय सभामा दर्ता गरेका थिए ।
राष्ट्रिय सभाबाट २०७९ माघ २३ गते पारित भएर आएको विधेयक प्रतिनिधि सभाले बुधबार पारित गरेको हो । यो सँगै विधेयक संघीय संसद्को दुवै सदनबाट पारित भएको छ ।
प्रकाशित :२०८० चैत्र २१, बुधबार २०:०९
यो खबर पढेर तपाईलाई कस्तो महसुस भयो ?
0%
like
0%
love
0%
haha
0%
wow
0%
sad
0%
