अख्तियार दुरुपयोग अनुसन्धान आयोगमा २२ हजारभन्दा बढी उजुरी थुप्रिएका छन् । केन्द्र र ७ वटै प्रदेश कार्यालयमा गरी अख्तियारमा पुससम्म २२ हजार १ सय २७ उजुरी परेका हुन् ।

Advertisement 1

राष्ट्रिय सभाको राष्ट्रिय सरोकार तथा समिति बैठकमा हाजिर भएका अख्तियारका सचिव रामेश्वर दंगालले आर्थिक वर्ष २०७९/८० को वैशाख मसान्तसम्म २२ हजार ३५५ उजुरी परेको तथ्यांक प्रस्तुत गरेका हुन्। त्यसमध्ये ५० प्रतिशत उजुरी स्थानीय तहसँग सम्बन्धित छन् ।स्थानीय तहमा शिक्षा, स्वास्थ्य, भौतिक पूर्वाधारलगायत धेरै काम हुने र सेवाग्राहीका विषय जोडिने भएकाले उजुरी बढेको आयोगको बुझाइ छ । अख्तियारका प्रवक्ता नरहरि घिमिरेका अनुसार स्थानीय तहपछि अख्तियारमा भूमि र शिक्षासँग सम्बन्धित उजुरी धेरै आएका छन् ।

तीमध्ये करिब आधा अर्थात् १२ हजार ५९२ उजुरी मात्रै फस्र्योट भएको उनले बताए। २३० वटा मुद्दामा पुनरावेदन गराएको उनले बताए। २०७९/८० मा जम्मा ३०.७ प्रतिशत कसुर स्थापित भएको उनले समिति सदस्यसमक्ष तथ्यांक प्रस्तुत गरे। सबैभन्दा बढी आर्थिक वर्ष २०७५/७६ मा ८८.२४ प्रतिशत कसुर स्थापित भएको सचिव दंगालको भनाइ छ।