सुनसरीमा कुखुरा तस्करी, सशस्त्र नियन्त्रण सँधैभरी
सशस्त्र प्रहरीले सुनसरीको मंगलबार बिहान साढे ४ बजे एउटा जिपसहित जिउँदा कुखुरा बरामद छ । मधेस प्रदेशको सिराहाबाट झापाको दमकतर्फ ल्याउँदै गरेको ब्रोइलर कुखुरा पूर्वपश्चिम राजमार्गको इनरूवा सडक खण्डबाट ४ नम्बर गणका प्रमुख डिएसपी प्रेम सिग्देल नेतृत्वको टोलीले बरामद गरेको हो।
Advertisement 1
स १ च १६८४ नम्बरको जिप र त्यसमा रहेका ४०० वटा भारतीय जिउँदो ब्रोइलर कुखुरा बरामद भएको सशस्त्र प्रहरी बल नेपाल नम्बर १ बराहा बाहिनीका बाहिनीपति सशस्त्र प्रहरी नायब महानिरीक्षक अन्जनी कुमार पोख्रेलले जानकारी दिए।
प्रतिबन्धित भारतीय कुखुरा र माछा आयातमा कोशी प्रदेशमा प्रहरीले कडाइ गरेपछि तस्करले मधेस प्रदेशका नाकाबाट नेपाल भित्र्याउने गरेका छन्। यसरी भित्र्याइएका कुखुरा अवैध ढंगबाट कोशी प्रदेशमा ल्याउने गरिएको छ।बरामद गरिएका कुखुरा पशु क्वारेन्टाइन र जिप भने भन्सार कार्यालयमा बुझाउने तयारी भइरहेको पोख्रेलले जानकारी दिए।
Advertisement 2
दैनिक १५ वटा सम्मका गाडीले प्रतिबन्धित कुखुरा कोशीका दुइटा पुल प्रयोग गरेर सुनसरी, मोरङ र झापाको दमकसम्म लैजाने गरेको स्रोतले बताएको छ ।
