पाँच महिनामै शहरी विकास मन्त्रालयको सचिवलाई फुटबल बनाइएको छ ।
गत मंसिर अन्तिम साता प्रधानमन्त्री तथा मन्त्रिपरिषद्को कार्यालयबाट सचिव सुरेश अचार्यलाई शहरी विकास मन्त्रालयमा सारिएकोमा पाँच महिनामै फेरि आचार्यलाई राष्ट्रिय सतर्कता केन्द्रमा पुर्याइएको छ । मंसिर पहिलो साता शहरी सचिव रमेश सिंह सेवा हद लागेर घर फर्किएसँगै रिक्त रहेको सो मन्त्रालयको जिम्मेवारी सचिव आचार्यले सम्हाल्दै आएकोमा अब त्यहाँ रविन्द्रनाथ श्रेष्ठलाई सो मन्त्रालयको जिम्मेवारी दिइएको छ ।

Advertisement 1

सुरेश आचार्यले आफ्नो जागिर अवधिमा लामो समय पर्यटन मन्त्रालयमा बिताएका थिए । सचिव बढुवा भएसँगै उनले नेपाल ट्रष्ट,राष्ट्रिय पुर्ननिर्माण प्राधिकरण,शिक्षा विज्ञान तथा प्रविधि मन्त्रालय (प्रविधिक) हुँदै केही समय खानेपानी मन्त्रालयमा बिताए । उनलाई त्यहाँबाट तानेर प्रधानमन्त्री तथा मन्त्रिपरिषद्को कार्यालयमा लगिएको थियो । पाँच महिना शहरी विकास मन्त्रालयमा रहेका उनलाई राष्ट्रिय सतर्कता केन्द्रमा पुर्याइएको हो ।