निजामती सेवामा कार्यरत कर्मचारीले खुलाबाट माथिल्लो पदमा सिफारिस भइ नियुक्ति लिंदा तल्लो पदमा खाइपाइ आएको ग्रेडसिमा नाघ्यो भनेपनि शुरु तलबस्केल मात्र दिनेकुरा निजामती सेवा ऐनसँग समेत बाझिन्छ । बढुवा मान्न नसकिने कुरो त ठीक हो तर निजको सेवा अवधि जोडिन्छ त्यतिमात्र होइन तल्लो पदबाट माथिल्लो पदमा सिफारिस भइ नियुक्ति लिएको कर्मचारीले रमाना लिएर जान्छ । तसर्थ रमाना लिएर जाने कर्मचारीको हकमा खाइपाइ आएको तलब घट्नु उचित होइन ।

२. संघ, प्रदेश र स्थानीय तहबीच संविधानको मर्म बमोजिम समन्वय, सहकारिता र सहअस्तित्वका लागि प्रदेश सचिव र स्थानीय तहको प्रमुख प्रशासकीय अधिकृत संघीय निजामती सेवाको हुनुपर्छ । तर, स्थानीय तह तथा प्रदेशका कर्मचारी लाई अन्तरसेवा प्रतिस्पर्धाको माध्यमबाट मुख्यसचिव सम्म हुने बाटो खुला राखिदिनुपर्छ ।

३. निजामती सेवाको माथिल्लो तहमा अनुभवी कर्मचारी चाहिन्छ त्यसैले सहसचिव पदमा खुला प्रतियोगिता आवश्यक छैन तर, आन्तरिक प्रतिस्पर्धा आवश्यक छ । आन्तरिक प्रतिस्पर्धाले कार्यरत कर्मचारीलाई अध्ययनशील र सक्रिय बनाउछ । छड्के प्रवेश गर्न चाहनेलाई बढीमा उपसचिवसम्म नत्र शाखा अधिकृतसम्मको बाटो खुला गरिदिनुपर्छ । अनुभवविना बाहिरबाट सहसचिवमा आउनेको कार्यसम्पादन अनुभवी कर्मचारीको भन्दा निकै कम भएको कुरा धेरैबाट आउने गरेको र देखिएको छ । तर, अनुभवी कर्मचारीले पनि निजामती सेवाको शाँख बढाउन असक्षम रहेको कुरा चैं सत्य हो । यसमा सच्चिन चैं जरुरी नै छ ।