सूचना दिन अटेरी गर्ने हाकिमविरुद्ध राष्ट्रिय सूचना आयोगले १५ हजार जरिवानासहित दण्डित गरेको छ ।

Advertisement 1

यसरी दण्डित हुने हाकिम हुन,सिरहा नगरपालिकाको प्रमुख प्रशासकीय अधिकृत बलिराम यादव ।
यादवलाई सूचनाको हकसम्बन्धी ऐन उल्लङ्घन गरेको अभियोगमा राष्ट्रिय सूचना आयोगले १५ हजार जरिवानासहित दण्डित गरेको छ ।

सूचना माग्दै पालिकामानगरपालिकामा पुगेका परशु साहले सूचना लिने क्रममा अनेकन झमेला खेपेर सूचना माग गर्दा समेत यादवले सूचना दिन इन्कार गरे पछि सूचना आयोगको हिजो बसेको इजलाशले सूचनाको हकसम्बन्धी ऐन, २०६४ को दफा ३२ को उपदफा (१) बमोजिम सूचना नदिएबापत अधिकृत यादवलाई १५ हजार जरिवानासहित कारबाही गरेको जनाएको छ ।

Advertisement 2

कतिपय सार्वजनिक निकायले सूचना माग गर्नेलाई ऐन अनुसार दिन मिल्ने जानकारी पनि हत्तपत्त दिंदैनन् ।

संविधानमा सूचनाको हकलाई मौलिक हक अन्तर्गत राखेर ‘प्रत्येक नागरिकलाई आफ्नो वा सार्वजनिक सरोकारका कुनै पनि विषयका सूचना माग्ने र पाउने हक हुने’ व्यवस्था गरिएको भए पनि यो हक उपभोग गर्न धेरै कठिनाइ रहेको देखिन्छ ।