नेपाल प्रहरीले एकै पटक २४ जना एसएसपीको हेरफेर गरेको छ । सरुवा सूचीअनुसार जिल्ला प्रहरी परिसर काठमाडौंको प्रमुखहरु पनि सरुवामा परेका छन् ।

Advertisement 1

काठमाडौं परिसरको प्रमुखमा एसएसपी कार्कीलाई खटाइएको छ भने जिल्ला प्रहरी परिसर ललितपुरको प्रमुखमा एसएसपी सिद्धिविक्रम शाहको सरुवा गरिएको छ। सबैको काज सरुवा गरिएको हो।
यस्तै काज सरुवामा परेका अन्य एसएसपीहरुमा यज्ञ विनोद पोखरेललाई ललितपुरबाट राष्ट्रिय प्रहरी प्रशिक्षण प्रतिष्ठान महाराजगञ्जमा खटाइएको छ ।

यस्तै,दिल्लीराज पन्त पोखराबाट हेर्डक्वार्टरमा ल्याइएको छ । ईश्वर कार्कीलाई हेर्डक्वार्टरबाट मधेश प्रदेश तालिम केन्द्र,धनुषा,अरुण पौडेललाई गण्डकी प्रदेश तालिम केन्द्र,रेवती ढकाललाई नेपाल प्रहरी प्रदेश कार्यालय भैरवहातिर खटाइएको छ ।

Advertisement 2

यस्तै सुशिल सिंह राठौरलाई कर्णाली प्रदेश तालिम केन्द्र नेपालगञ्जमा पुगेका छन् भने जीवन कुमार श्रेष्ठलाई मानव बेचविखन अनुसन्धान ब्यूरोमा तानिएका छन् ।

सरुवामा परेका अन्य एसएसपीमा काठमाडौं प्रहरी परिसर प्रमुखबाट भरत बहादुर बोहरालाई प्रहरी प्रधान कार्यालयको सुपरिवेक्षण तथा अनुगमन महाशाखामा पठाइएको छ ।

उपत्यका अपराध अनुसन्धान कार्यालयका एसएसपी जनक भट्टराई सुरक्षा सेवा व्यवस्थापन महाशाखामा पुगेका छन् ।